«مفيش في جدعنتها وطيبتها».. نجوم الفن يدعمون وفاء عامر بعد ادعاءات «تجارة الأعضاء»
«مفيش في جدعنتها وطيبتها».. نجوم الفن يدعمون وفاء عامر بعد ادعاءات «تجارة الأعضاء»
دعم كبير تلقته الفنان وفاء عامر من زملائها في الوسط الفني، الذين دوّنوا منشورات عبر حساباتهم على مواقع التواصل الاجتماعي، تحدّثوا فيها عن «جدعنة» وفاء عامر وكرم أخلاقها، بعد الادعاءات التي طالتها بأنّها كانت السبب في وفاة اللاعب إبراهيم شيكا بسبب تجارتها في الأعضاء البشرية.
نجوم الفن يدعمون وفاء عامر
منة فضالي قالت إنّ وفاء عامر نجمة كبيرة و«ست جدعة بـ100 راجل»، وأضافت عبر حسابها على إنستجرام: «عيب أوي أوي اللي بيتقال عليها، طول عمرها بتعمل خير كتير وكريمة مع كل الناس، ليه عدم التربية والاتهام اللي ملوش أي لزمة، يا أحلى وفاء أنتِ نجمة وجميلة ومحبوبة، وسيبك من الناس اللي مفيش وراها غير الهري».
أمينة وهاني رمزي يدعمان وفاء عامر
المطربة أمينة تحدّثت عن حجم ألمها بسبب ما تتعرّض له عامر من اتهامات، قائلة عبر إنستجرام: «ربنا وحده أعلى وأعلم بحجم ألمي عليكي من ناس لا عندهم أصل ولا فصل، الست دي بنت أكابر أبوها راجل تاجر في السوق، الله يرحمه عم فاروق عامر الراجل اللي رباهم على العز، أنا شفت ده بعين خالاتي وأهلي في باب عمر باشا، عن الجدعنة مش هقولكم عن كرمها وحبها للخير وحبها لفرحة الغير، ست بنت بلد بتحترم الصغير قبل الكبير».
وأضافت: «عايزة أقول حاجات كتير أوي عنك يا أم عمر لأنك تستاهلي كل خير، اتقوا الله وكفاية عبث وقلة أدب، ده أنتوا هتخلوا الواحد يراجع نفسه مليون مرة وهو بيقدم على فعل خير، ده مش جزائها عيب والله».
الفنان هاني رمزي دعم هو الآخر عامر، قائلا: «صديقتي وأختي وزميلتي وفاء عامر، مفيش حد في جدعنتك ولا كرمك ولا طيبتك، ربنا يحفظك ويخليكي لأسرتك ولكل اللي يعرفوكي كويس، لأن واضح إن في ناس لسه متعرفش مين وفاء عامر بجد».
