الإعلامية لمياء فهمي: علاقات الأشقاء تحتاج إلى تصحيح المسار
الإعلامية لمياء فهمي: علاقات الأشقاء تحتاج إلى تصحيح المسار
أكدت الإعلامية لمياء فهمي أن علاقة الأشقاء من أهم وأعمق العلاقات في حياة الإنسان، واصفة إياها بـ«العلاقة الممتدة طوال العمر» التي تبدأ منذ لحظة الميلاد دون اختيار، حين نجد أنفسنا نرتبط برباط الدم مع أخ أو أخت يكونان لنا سندًا وظهرًا في الحياة.
علاقة غير اختيارية
وقالت «فهمي»، خلال تقديمها برنامج «الدنيا بخير»، المذاع عبر قناة «الحياة»، اليوم: «دي علاقة مش بختارها، لكنها أجمل وأسمى علاقة في الدنيا، بنتشارك فيها الحب والفرح والحزن والنجاح والابتلاء، ووقت الشدة بنسمع أجمل كلمة سلامتك يا أخويا، سلامتك يا أختي».
وأشارت إلى أن هذه العلاقة تقوم على المشاركة في كل تفاصيل الحياة، بداية من حب الوالدين، وصولًا إلى أبسط الأمور كالمائدة والضحكة وحتى الوجع.
جوهر العلاقة بين الأشقاء
تابعت: «في ناس هتقول إن الكلام ده مش موجود دلوقتي، وإن أخواتهم بقوا أعدائهم، في اللي أكل ميراث شقيقه، واللي قاطع أخته، واللي ما بيسألش عنها حتى وده شيء مؤلم للأسف في تفاصيل كتير مالهاش أي علاقة بأساس الدنيا ولا بروح العلاقة اللي ربنا أرادها بين الأشقاء، محتاجين نراجع نفسنا ونرجع نصلح اللي اتكسر».
