رانيا فريد شوقي تحيي الذكرى الـ27 لرحيل والدها برسالة مؤثرة: «الحنين ما بيروحش»
رانيا فريد شوقي تحيي الذكرى الـ27 لرحيل والدها برسالة مؤثرة: «الحنين ما بيروحش»
أحيت الفنانة رانيا فريد شوقي، ذكرى مرور 27 عامًا على رحيل والدها الفنان القدير فريد شوقي، برسالة مؤثرة عبر حسابها على فيس بوك، عبّرت فيها عن افتقادها الكبير له.
رانيا فريد شوقي تحيي ذكرى والدها
وكتبت رانيا فريد شوقي: «النهارده 27 سنة على غيابك يا بابا بس الأب الحنين ما بيروحش، بيفضل جوه الروح. في فيديو ليك كنت بتقول: أنا صرفت فلوسي على بناتي دلعتهم وفسحتهم ومليت عينهم ناس افتكرت إن الموضوع فلوس، لكن الحقيقة إنك كنت بتستثمر فينا قلبك وعمرك كله، وتزرع جوانا حب وخير وكرامة».
وأضافت: «كنت فاهم إن البنت لما تحس إنها غالية في بيتها محدش يقدر يقلل منها، دلعتنا عشان نفهم إن الدلع مش منّة من حد، وفسحتنا عشان نشوف الدنيا بعينين شبعانة ومفيش حاجة تبهرنا حتى عقابك كان في سكوتك… سكوت يحرمنا من ضحكتك وحضنك، وكان أقسى من أي عقاب، كنت ترجع من المسرح في إسكندرية وتجيب لنا فطير بالسكر، حاجة بسيطة منك لكنها كبيرة جوانا، الله يرحمك يا بابا، ويبارك في كل حاجة زرعتها جوانا… والحمد لله إن ربنا خلقني بنتك».
النجوم يتفاعلون مع منشور رانيا فريد شوقي
وتفاعل عدد من النجوم مع كلمات رانيا فريد شوقي، إذ علّقت الفنانة سوسن بدر: «الله يرحمه وتعيشي وتفتكري يا حبيبتي»، فيما كتبت روجينا: «ربنا يرحمه ويغفر له ويسكنه فسيح جناته».
