المهندس محمد المصري لـ«ست ستات»: المشاركة في جميع تفاصيل الحياة أساس الزواج الناجح

أكد المهندس محمد المصري، مدير عام بإحدى شركات البترول، أن زوجته ميرال شغوفة بالأفكار القديمة، وتحب أجواء العصر الكلاسيكي، وهو ما يفسر استخدامها المتكرر للقب «سي محمد»، المستوحى من الأفلام القديمة، موضحًا أن هذا اللقب يبعث في نفسه البهجة والحنين في آن واحد: «هي بتتبسط، وأنا كمان مفيش راجل مش هيتبسط من لقب زي سي محمد، خصوصًا لما يتقال بحب».

الزواج قائم على وجود شريك حقيقي

وقال «المصري» خلال استضافته ببرنامج «ست ستات»، المذاع على قناة dmc، وتقدمه الإعلامية سالي شاهين، إن الزواج في رأيه قائم على وجود شريك حقيقي يشاركه تفاصيل الحياة، من أسرار العمل ومشاكل الأولاد، إلى لحظات الفرح والانفعال: «أنت محتاج شريك تفضفض له، تزعق معاه، وتعيش الحياة بكل تقلباتها، وده اللي لقيته في ميرال».

وعن طبيعته الشخصية، أقر المصري بأنه شخص عصبي، لكنه أصبح أكثر وعيًا وتحكمًا في انفعالاته مع مرور الوقت: «أنا عصبي، بس اعترفت بده وحاولت أتحسن، وميرال وعيلتي عارفين ده كويس، اعترافي جزء من العلاج، وأكيد قللت كتير عن زمان».

العصبية تكون نتيجة ضغوط متعددة

وأشار إلى أن العصبية في كثير من الأحيان لا تكون موجهة لشخص بعينه؛ بل نتيجة ضغوط متعددة، قائلا: «أنا بشتغل شغل واثنين وثلاثة، والضغوط بتتراكم لكن الأهم إنك تلاقي حد يستوعب ده، وده اللي خلى علاقتي بميرال تستمر وتقوى».

• ست ستات
• العلاقات الزوجية
• الحياة الزوجية