تامر حسني يشيد بمخرجة «ريستارت»: شكرا سارة وفيق.. قدمتي فيلم رائع وواقعي

أشاد الفنان تامر حسني بسارة وفيق مخرجة فيلمه الأخير ريستارت، حيث كتب حسني عبر ستوري حسابه بإنستجرام: «سارة وفيق، مخرجة كبيرة قدمت فيلما يجسد الواقع المرير، وازاي ممكن بعض الناس يعملوا أي حاجة مهينة، وممكن يبيعوا مبادئهم وضمائرهم عشان التريند والمكسب السريع، يمكن الفيلم بيتفهم دلوقتي أكتر، شكرا سارة وفيق، ومبروك كونك المخرجة السيدة الوحيدة اللي إيرادات فيلمها تخطي 95 مليون، واقترب من 100 مليون داخل مصر و800 مليون خارجها».

وأضاف تامر: «يعني قرب من المليار وده إنجاز كان لازم أذكره لمجهودك ولتحملك حروب كتير كانت بتكسر فيكي، ودلوقتي الرد واضح وصريح، لأننا بنخاطب الجمهور مش أي حد تاني، والجمهور الكبير اللي دخل الفيلم مش ولاد أختك، لا ده جمهور حقيقي صدق قد إيه فيلمك عبر عن الواقع».

واختتم تامر قائلا: «افترضنا جوا الفيلم إن النت قطع، الدنيا هتنهار كنا بنلفت نظر الدولة إنه لازم يبقى في مسار احتياطي في حياتنا وفعلا النت قطع وعشنا مأساة كام يوم».

أبطال فيلم ريستارت

يشارك في فيلم ريستارت مجموعة كبيرة من نجوم الفن من بينهم تامر حسني، هنا الزاهد، باسم سمرة، محمد ثروت، ميمي جمال، عصام السقا، بجانب عدد من ضيوف الشرف: إلهام شاهين، محمد رجب، شيماء سيف وأحمد حسام (ميدو).

• تامر حسني
• الفنان تامر حسني
• فيلم ريستارت