حسام داغر يكشف سبب وفاة الفنان الشاب بهاء الخطيب
حسام داغر يكشف سبب وفاة الفنان الشاب بهاء الخطيب
كشف الفنان حسام داغر عبر حسابه الرسمي بموقع التواصل الاجتماعي فيس بوك، عن سبب وفاة الفنان الشاب بهاء الخطيب المفاجئ.
وكتب حسام داغر عن صديقة بهاء الخطيب قائلا: «ده لسه متكلمين إنك تيجي تقعد معايا كام يوم في إسكندرية وقلتلك هتحب قعدة بلكونتي على البحر علطول، ورجعت أقولك خلينا في الشتا هيبقى أحلى، الجو دلوقتي صيف وحر… خلاص، لا بقى في شتا ولا صيف ولا حاجة، الناس بتمشي فجأة، إزاي كده؟ لا حول ولا قوة إلا بالله، دموعي ما نشفتش من يوم تيمور، وقلبي لسه موجوع، تقوم تمشي فجأة انت؟».
وأضاف حسام داغر: «يعني إيه وقع وهو بيلعب كورة ومات؟ أنا عقلي هيجراله حاجة، الثبات والعقل والصبر من عندك يا رب.. بهاء الجميل، المحترم، الطيب، أعرفه من وهو في مسرح الجامعة وقبل المعهد، وكمان كبر قدامي، وكان ناجح في كل حاجة حتى في مجاله وشغله الأساسي جنب التمثيل».
واختتم: «لو أعرف إنك هتمشي فجأة كنت قابلتك وما فضلناش نأجلها.. ليه يا رب الطيبين المحترمين بيمشوا فجأة؟ لا حول ولا قوة إلا بالله، الصبر من عندك يا رب».
من هو بهاء الخطيب؟
هو ممثل مصري من مواليد عام 1984، تخرج في كلية الحقوق بجامعة القاهرة عام 2006، ثم واصل شغفه بالفن فالتحق بالمعهد العالي للفنون المسرحية، قسم التمثيل والإخراج.
عمل قبل دخوله المجال الفني في تصميم المؤثرات البصرية والموارد البشرية، وشارك في عدة ورش تدريبية مع عدد من الأسماء البارزة منهم مروة جبريل، وجوديتا سالم، ولطفي لبيب، ومحمود الجندي، وعلي بدرخان.
ترك بصمة واضحة في عدد من الأعمال الدرامية والسينمائية، من أبرزها: «صاحب المقام»، «عائلة الحاج نعمان» الجزء الثاني، «واحة الغروب»، و«نصيبي وقسمتك».
