كشفت الفنانة داليا البحيري أنَّه بالرغم من حبها لفصل الصيف إلا أنّها اختبرت في فصل الصيف الحالي العديد من التجارب الصعبة بشكل جعله «أسوأ الصيفات» التي مرت عليها، على حد تعبيرها، إذ شاركت البحيري جمهورها عبر حسابها على «إنستجرام» العديد من التجارب الصعبة التي مرت عليها هذا الصيف ما بين مرضها ومرض زوجها ووصولا إلى تعرضها لحادث بسيط في أثناء عودتها إلى القاهرة.

وقالت الفنانة داليا البحيري في تدوينة عبر حسابها على «إنستجرام»، «الحمد لله علي كل شيء طبعا لأننا لازم نحمد ربنا على كل حاجة وفي كل وقت، اللي يعرفوني كويس حيعرفوا إني من محبي شهر الصيف جدا، بس الحقيقة السنة دي كانت من أسوأ الصيفيات اللي عدت عليا في الساحل».

داليا البحيري تكشف تعرضها لوعكة صحية صعبة: عيانة بقالي 3 أسابيع

وتابعت البحيري: «للأسف كنت مضغوطة جدا كنت بعزل من بيت لبيت ودي كانت حاجة مفاجأة مش مترتب لها عشان كدة كنت مشدودة، مناعتي وقعت وبقالي 3 أسابيع عيانة جدا، جالي دور برد أو كورونا أو زي ما تحبوا تسموه، ولما ابتديت أخف شوية حسن جوزي اتعدي وتعب جدا، اكتر مني بكتير لدرجة أننا اضطرينا نروح مستشفى، وقعدنا 4 ساعات هناك في الديپ فريزر، تكيف عالي جدا جدا لدرجة كنا موجوعين من البرد، رجعنا من المستشفى وبعد أقل من ساعة كانت حرارتي طلعت تاني ورقدت، ومن يومها وأنا مش بتحسن».

احتراق إطار سيارة داليا البحيري أثناء عودتها من الساحل الشمالي

وأضافت داليا البحيري تفاصيل تجاربها الصعبة هذا الموسم، «يكتمل السيزون برجوعي سايقة من الساحل وأنا تعبانة لأن كان عندي ارتباط مهم في القاهرة، والكاوتش بتاع عربيتي يتفرتك ويطلع دخان، بحمد ربنا أنه كان عند دخلة البوابات وماكنتش ماشية بسرعة، ده ستر ربنا الجميل، باختصار كان صيف مشحون جدا بس برضو هفضل أحب الصيف وأفضله، دعواتكم بقي أخف لأني استويت».

• داليا البحيري
• الفنانة داليا البحيري