أعربت أسما شريف منير عبر حسابها الرسمي بموقع تبادل الفيديوهات والصور «إنستجرام»، عن سعادتها بارتداء الحجاب.
ونشرت أسما شريف منير صورة لها بالحجاب معلقة: «شوفت بعيني جوزي وهو بيحس إنه لازم يحميني، بيتقلب قلبه لو راجل بصلي بنظرة مش كويسة، بيحس إنه لازم يصد عني أي أذى. وكبرت وأنا بسمع أبويا بيحكيلي إزاي أصون جسمي، إزاي كأب ممكن يضحي بنفسه علشان يحافظ عليا».
وأضافت أسما شريف منير: «طب لو دي مشاعر جوزي وأبويا… أمال ربنا، اللي خلقني وبيحبني أضعافهم كلهم، هيعمل إيه علشان يحميني من شياطين الإنس والجن؟ ربنا ببساطة قاللي: غطي نفسك، مش علشان يخنقني ولا يضيق عليا، بالعكس… علشان يكرّمني، يصون قلبي قبل جسمي، ويحميني من نظرات ممكن تجرحني أو تكسّرني».
واختتمت قائلة: «الحجاب مش قيد، الحجاب أمان، الحجاب مش منع، الحجاب ستر وكرامة، هو ده حب ربنا… حب بيحميني من اللي مش شايفين قيمتي».
