كشفت الإعلامية سناء منصور عن كيفية تعاملها مع الأشخاص الذين يخذلونها، قائلة: «أنا عندي حل متبعاه من زمان، لما حد يديني قلم أو يخذلني، إما إني أموته أو أهجره، يعني أقول لنفسي فلان مات، لا أسأل عليه ولا يسأل عليا»، معقبة: «وده حصل لي نادرًا جدًا الحقيقة، والعادي هو إني أسفَّره أمريكا، يعني بيبقى عنده فرصة أخرى بسيطة».

نهى عبد العزيز: ندمت على منح فرص تانية لناس كتير

وطرحت الإعلامية سناء منصور، خلال تقديمها برنامج «ست ستات» المذاع على قناة «DMC»، سؤالا لزملائها في الاستوديو وهو: «في حد فيكم أعطى لحد فرصة تانية وندم؟»، فأجابت الإعلامية نهى عبدالعزيز: «أنا إديت لناس فرص كتير وللأسف ندمت إني عملت الخطوة دي».

أما الإعلامية آية جمال الدين قالت: «شيء طبيعي إننا ندي فرص تانية لغيرنا، لأنه ربما يكون في ناس أعطونا فرص وندموا عليها».

شيريهان أبو الحسن: لو رجع بيا الزمن مش هدي نفس الفرص

كما أكدت شيريهان أبو الحسن، أنها «أعطت فرص تانية كتير لناس تعرفهم وندمت بشكل كبير ولو رجع بيها الزمن تاني مش هتدي الفرص دي تاني».

• ست ستات
• DMC
• سناء منصور