قال طارق مخلوف، العضو المنتدب والرئيس التنفيذي للشركة المتحدة للخدمات الإعلامية، إن الشركة المتحدة باعتبارها الجهة المنظمة لفعاليات افتتاح المتحف المصري الكبير أعلنت قبل الافتتاح، إهداء ترددات نقل الحدث لكل القنوات المصرية والعربية والأجنبية، قائلًا: «إحنا الحقيقة فضلنا المصلحة العليا على مصلحة الشركة المتحدة، وده مش تفضل مننا، ده واجب على أي مصري».
الحدث اتذاع على 6000 قناة وموقع
وأضاف خلال تصريحات لبرنامج «في حتة تانية»، تقديم دنيا صلاح عبد الله، على «ميجا إف إم»: «الترددات خدوها مننا 6000 قناة وموقع مصري وعالمي وعربي، فالحدث اتذاع على 6000 قناة وموقع في العالم، ولو بعنا الترددات دي كانت هتدخل أرقام ضخمة جدًا، لكن إحنا فضلنا إن افتتاح المتحف المصري الكبير يتشاف على المستوى العالمي بشكل أكبر، وده هدفنا».
مضاعفة أرقام السياحة
وتابع: «وفي نفس الوقت إحنا عارفين إن ده هيعود على مصر، المتوقع إن دخل السياحة بعد المتحف ده وبعد الافتتاح ده هيتضاعف لأرقام كبيرة جدًا، هتنقل مصر لمستوى تاني خالص في قطاع السياحة».
وشدد على أن القرار كان وطني بحت، ليس تجاري، والهدف إننا ننقل صورة مصر بأكبر قدر ممكن، مشيرًا إلى أن الرقم اللي اتفرج على حفل الافتتاح يومها تخطى المليار إنسان في العالم.
