لمياء فهمي عبدالحميد تشيد ببرنامج دولة التلاوة: «حالة روحانية تلمس القلب»
لمياء فهمي عبدالحميد تشيد ببرنامج دولة التلاوة: «حالة روحانية تلمس القلب»
أشادت الإعلامية لمياء فهمي عبدالحميد عبر حسابها الرسمي بموقع تبادل الفيديوهات والصور «إنستجرام» ببرنامج دولة التلاوة.
وكتبت لمياء فهمي عبدالحميد قائلة: دولة التلاوة.. نموذج يُفتخر به، إيه العظمة دي برنامج دولة التلاوة واحد من أجمل وأرقى التجارب اللي بتعيد للروح هدوءها، وبتقدم رسالة حقيقية تستحق الاحترام، اللي بنشوفه على الشاشة مش مجرد حلقات.. ده مجهود كبير مبذول من كل عناصر العمل: من إعداد دقيق، وإخراج راقٍ، وصوتيات مُتقنة، وتصوير بيحترم قدسية اللحظة، وفريق بيشتغل بإخلاص عشان يقدم صورة تليق بكلام الله.
وأضافت: أما بقي أختي وصديقتي وحبيبتي الغاليهأية عبدالرحمن ،أية جمالك ده، حضور راقٍ، وطريقة إلقاء هادئة، وتقديم بيجمع بين الاحترام والبساطة، وقدرت تحط المشاهد في حالة روحانية جميلة من أول لحظة، تحية كبيرة لكل شخص شارك في صناعة البرنامج، ولكل يد خلف الكواليس بتشتغل بحب وهدوء عشان يظهر بالشكل المشرف ده.
واختتمت: بجد دولة التلاوة مش بس برنامج… ده حالة روحانية بتلمس القلب وتعلّي الذوق وتجمعنا على حب القرآن.
