بنت الصعيد تغزل خيوط حلمها.. مروة الجزاوي تبدع في التطريز والهاند ميد
بنت الصعيد تغزل خيوط حلمها.. مروة الجزاوي تبدع في التطريز والهاند ميد
في قلب محافظة أسيوط، نسجت مروة الجزاوي خيوط حلمها بإبرة وإصرار لتصبح واحدة من أبرز النماذج النسائية الملهمة في مجال التطريز اليدوي والحرف التراثية، وتثبت أن المرأة المصرية قادرة على تحويل التحديات إلى فرص الهواية إلى مشروع ناجح.
تروي الجيزاوي، في حديثها لـ«الوطن»، أن بدأت مشوارها منذ الصغر في حبها للتطريز والهاند ميد وكانت بتشتغل بإيدها لمجرد الهواية، مع الوقت بدأت تطور نفسها وتتعلم أكتر وتجرب خامات جديدة لحد ما أصبحت لديها مكان خاص لعرض المشغولات اليدوية الخاصة بها.
خامات متنوعة تستخدمها مروة في صناعة التحف والأنتيكات اليدوية
تستخدم مروة في أعمالها اليدوية خامات متنوعة مثل الخيوط الرفيعة، الخيش، الخوص، الكوردن، الخرز، القواقع، والقشر الطبيعي لتصنع قطعا فنية مميزة تمزج بين التراث والحداثة وتتنوع منتجاتها بين المرايات الديكورية، الكروشيه، الشنط، الأباجورات، زينة النباتات، والإكسسوارات المنزلية وكلها تُصنع يدويا بإتقان وشغف.
مروة تشجع البنات لتحقيق ذاتهن
وأضافت مروة «أنا مش بس بشتغل علشان نفسي، أنا بحاول أشجع البنات اللي زيي إنهم يشتغلوا ويحققوا ذاتهم، كمان بدأت أستخدم السوشيال ميديا علشان أعرض شغلي ويوصل لكل الناس من كل المحافظات، والحمد لله في ناس كتير بتطلب مني شغل مخصوص بسب الأشكال المعروضة من الحرف اليدوية».
توفير فرص عمل من خلال الحرف اليدوية
اختتمت مروة تصريحاتها لـ«الوطن»، أنها تؤمن بأن التمكين الاقتصادي للمرأة يبدأ من الإيمان بالقدرات الذاتية، وتطمح إلى توسيع مشروعها ليشمل تدريب الفتيات في قريتها، وتوفير فرص عمل من خلال الحرف اليدوية وتقول نفسي أفتح ورشة كبيرة، وأعلم فيها البنات اللي عايزين يشتغلوا، علشان كل واحدة تلاقي فرصة تحقق بيها حلمها.
