بسبب الضغوطات النفسية السيئة.. لقاء سويدان تعلن إصابتها بشلل الوجه النصفي
بسبب الضغوطات النفسية السيئة.. لقاء سويدان تعلن إصابتها بشلل الوجه النصفي
أصيبت الفنانة لقاء سويدان بوعكة صحية اختفت بعدها لفترة قليلة، ولم تكشف عن نوعية الوعكة أو المرض، لكنها عادت اليوم وظهرت في برنامجها التلفزيوني «لقاء ع الهوا»، على إحدى القنوات المصرية، وكشفت عن إصابتها بـ«العصب السابع» حيث ظهرت بملامح غير طبيعتها، حيث أصيبت بما يعرف بشلل الوجه النصفي.
إصابة لقاء سويدان بشلل الوجه النصفي
وقالت سويدان خلال الحلقة: «بشكر كل الناس اللي وقفت معايا، وشكرا لكل دعواتكم، أول مرة اطلع بعد التعب، أنا جالي العصب السابع، واسمحوا ليا إني أتكلم معاكم على مرضى، لأن أنتم بتشاركوني كل لحظات حياتي، في نجاحي ومسلسلاتي ومسرحياتي والبرنامج، وبتفرحوا معايا بكل حاجة حلوة، حبيت أظهر الجانب الإنساني فيا ليكم، وبدون خجل».
وأضافت: «إحنا بني آدمين وعندنا مشاكلنا الصحية والإنسانية ومحدش يتخيل إنها عندنا، الصورة اللي الناس واخدنها عن الفنانين هي صورة لامعة أوي، والناس بتقول إن لازم الفنانين طول الوقت يكونوا متشافين كدا، بس أنا حبيت أقولكم إن في لحظات ضعف كتير ومرض ويأس بتعدي علينا».
سويدان: المرض اللى جالى بناء على حالة نفسية سيئة مرت بها
وتابعت سويدان: «المرض اللي جالي بُناء على حالة نفسية سيئة، وأنا بكتم وبظهر قوتي ودائما كل اللي حواليا شايفني قوية، وظهرت حملات تشويه ليا وفي ناس كنت بعتبرهم صحابي وقُريبين مني ومطلعوش على هذه المكانة، الفترة الزمنية اللي عايشنها الآن هي غريبة جدا، وكلنا بنمر بضغوط، بس الفكرة إننا نتحمل إزاي، وندى الآخرين فرصة يأثروا علينا إزاي».
