كلمات أغنية «زي زمان».. دويتو جديد يجمع أحمد سعد وأصالة

طرح أحمد سعد وأصالة، منذ قليل، دويتو غنائي جديد يجمعها بعنوان «زي زمان»، وذلك على «يوتيوب» والمنصات الموسيقية.

دويتو أحمد سعد وأصالة

أغنية «زى زمان» لأصالة وأحمد سعد من كلمات أحمد إبراهيم، وألحان محمد الصياد، وتوزيع تامر غنيم، وميكس وماستر محمد صقر.

كلمات أغنية زي زمان

وتقول كلمات أغنية زي زمان:

غيابك مر عمره ما كان محليني

يا ريت نرجع بجد علشان وحشتيني

رجوعك ليا مش نافع ومش مسموح

ولو لسه فاضل دافع مسيره يروح

أنا مش راجع اتأسف وأبان تاني

قصاد منك ضعيف بس أنتي وحشاني

وحشتك بس لما عرفت إني بخير

علشان مبقتش مجروحة ولا بعاني

غريبة بجد جاي دلوقتي ندمان

كأنك يعني بعد الشر إنسان

راجعلي بس دلوقتي بتبكي عشان

عرفت إني خلاص مبقتش زي زمان

زمان برضو أكيد أنتي غلطتي كمان

ما هو أنتي مش ملاك يعني وأنا اللي شيطان

أنا مش فارقة مين عندي اللي كان غلطان

أكيد وجع اللي خان يفرق عن المتخان

بقى أنا اجيلك واقول إنك وحشتيني

تردي عليا وتقولي كرهتيني

كرهتك آه علشان جواك غير الباين

مفيش واحدة تحب عيشتها مع خاين

قوليلي عايزة إيه طيب بشكل صريح

لكن من غير وجع وإهانة ولا تجريح

أنا هبعد ما دام في القرب مارتحناش

نجرب نمشي مش يمكن فراقنا مريح

• أحمد سعد
• أصالة
• زي زمان