أعربت الفنانة روان الغابة، عن سعادتها البالغة بردود الفعل التي تلقتها من قبل الجمهور على خلفية مشاركتها في مسلسل صحاب الأرض، قائلة: "بكيت لـ ربنا من الفرحة".

وكتبت روان الغابة، عبر حسابها على "فيس بوك"، رسالة مؤثرة، قائلة: "مش من عوايدي إني ماردش علي الكومنتات.. بس اتفاجئت بعدد المتابعين اللي كبر فجأة.. أنتوا كلكوا علي رأسي من فوق.. أنا قريت كل كومنتاتكوا وبكيت لربنا من الفرحة".

صحاب الأرض كان هياخد جائزة عالمية في هذه الحالة

ووجهت روان، رسالة إلى المخرج بيتر ميمي، قائلة: "بيتر ميمي اتكتب اسمك في التاريخ.. شكرًا على العمل العبقري.. أنت رفعت رأس مصر والأمة العربية كلها.. ووثّقت أحداث غزة (فلسطين) صحاب الأرض الأصليين عشان ولادنا وأحفادنا ما ينسوش.. وبمناسبة الجوايز؛ (صحاب الأرض) كان أكيد هياخد جايزة عالمية لو كان بيتكلم عن الهولوكوست".

بيتر ميمي كان بيعمل بإيده كل حاجة حرفيًا

وتابعت "بيتر ميمي كان بيعمل بإيده كل حاجة حرفيًا، من توجيه الممثلين، مرورًا بكل مراحل العمل حتي الركام اللي موجود على جسم رغد و زوجها هو اللي عمله بإيده.. فنيًا: أنت جمعت ما بين الإبهار في الصورة والكادرات، والإحساس في المشاهد بلحظات الصمت، بالقطعات.. وأنا بتفرج حسيت إن في 7 مخرجين بيخرجوا العمل ده مع بعض، كأن كل واحد فيهم ليه مدرسة متميز فيها، وحصل دمج عشان يطلع هذا العمل الرائع.. شكرًا من كل قلبي".

رسالة لأهل غزة

وأضافت "الأساتذة الصحفيين؛ أنتوا شرف كبير ليّا و بعتذر جدًا.. كنت محتاجة استنى المسلسل يخلص واستوعب حاجات كتير بتحصل حوليّا.. شكر خاص للكرو العظيم: كاستنج دايركتور إبراهيم أشرف"، فيما اختتمت رسالتها، بقولها: "أهل غزة: ربنا يربط علي قلب كل أم و كل إنسان فقد حبيب أو غالي.. أنتوا في قلوبنا".

• روان الغابة
• مسلسلات رمضان 2026
• صحاب الأرض
• بيتر ميمي