رد غريب من رامي صبري.. ماذا قال تامر حسين عن أغنية «أنا مالي بيك»؟
رد غريب من رامي صبري.. ماذا قال تامر حسين عن أغنية «أنا مالي بيك»؟
كشف الشاعر الغنائي تامر حسين عن كواليس عدد من أعماله الغنائية، وذلك خلال استضافته في أحد البرامج التليفزيونية، حيث تحدث عن أبرز المحطات في مشواره الفني، كما روى تفاصيل بعض أغانيه التي حققت نجاحًا كبيرًا، ومن بينها أحدث تعاوناته مع الفنان رامي صبري.
تفاصيل أغنية« أنا مالى بيك»
وأوضح تامر حسين كواليس أغنية «أنا مالي بيك»، التي شارك بها في ألبوم رامي صبري الأخير، قائلًا: «رامي صبري كلمني على أغنية أنا مالي بيك مالي اللي عملتهاله في ألبومه الأخير، وقالي: أنا عايز أسألك سؤال.. إزاي الأغنية دي معدتش على عمرو دياب؟».
وأضاف: «قولتله يعني أنت روحت عند عزيز الشافعي وهو سمعهالك، فهي رزقك. وإحنا كمان كان عندنا موضوع قبل كده حساس مع رامي، اللي هو بيقول: انتوا بتدوا كل حاجة لعمرو دياب، قولتله يعني إنت لا كده عجبك ولا كده عجبك، وقلتله ده نصيب، وأنا بعتبرها نصيب».
وتابع: «لو حد سمع الأغنية الأول خلاص دي تبقى من نصيبه، وأنا مش هاخد حاجة من حد وأديها لحد تاني. راح رامي قالي: طب احلف إنك مسمعتهاش لعمرو دياب، قولتله: والله ما سمعتهاله».
واختتم حديثه بالإشادة برامي صبري، قائلًا: «رامي صبري من الناس اللي عملت معاها أغاني كتير، بينا أكتر من 36 أو 40 أغنية، ومن الأصوات اللي بعتز بيها».
