أنا من بلاد أسمنت
مزروعة فوق أسفلت
بطبعها قاهرة...
تقتلك بالعمد
.......
شوف فيها كام مأذنة
وكام ألف ألف سبيل
جاحدة ولا حنينة
الليل بيولد ليل
وان مره فات الصباح
يسيح فـ دمه قتيل
ويوم ما تعطف عليه
تكبس جروحه بـ بن
.............................
بلاد تشوف الشمس
والشمس متشفهاش
القسوة بالمجان.. متوفرة ببلاش
بخيلة فـ الإحساس
وباردة ساعة الحضن
..........
يا داخل القاهرة
عليك ألف سلام
يا خارجين منها
هتنعموا بسلام
دي عدوة للإنسان
تسحب سنين العمر