تراهني
ليه دايما كل كلامك يأس
ومحسس نفسك إنك عكس
لو في كام واحد منك بس
هنلاقي الأرض
أدفى من الشمس
تراهني..
تراهني إنها بكرة هتُفرج
تراهني إنك ممكن تضحك
وإنك تتحقق
وتحقق كل الأحلام
تراهني إنك جواك إنسان
بيحاول يفلت م السجان
ومفيش فيك أي مكان لجبان
متمسك ليه كده بالأحزان؟!
قلبك وعينيك هما العنوان
ارفض يأسك
دور على نفسك من نفسك
هتلاقي الحلم مهوش دخان
تراهني...
تراهني إنك أخضر مني
وأنبه وأجدع
وأحسن مني
تراهني..
