خريج «صنايع».. ترك التعليم من أجل الرسم.. تحدى «الملح»: مش هتقدر تغمض عينيك

01:22 ص | الثلاثاء 16 فبراير 2016

داخل محل الملابس الخاص بعائلته يقضى الشاب هانى جنيدى وقته، حيث الكثير من الفراغ بين زبون وآخر، لم يكن يتخيل أن تحدياً بينه وبين صديق له داخل المحل، على الرسم بـ«الملح» سوف ينتهى به إلى اكتشاف موهبة غريبة من نوعها: «كنا بنتفرج على صور من الإنترنت، وفجأة شُفنا لوحة من الملح، الموضوع استفزنى، رُحت اشتريت كيس ملح وبدأت أرسم، نفس المشهد اللى شُفناه، فى الأول ماعرفتش، صاحبى سابنى ومشى، وأنا فضلت أحاول لحد ما نجحت»، بورتريهات كاملة من الملح فقط، يرسمها الشاب فى موقعه بحى السراحنة بمدينة ههيا فى الشرقية. خريج «الصنايع» الذى يكره التعليم لا يحب فى حياته شيئاً سوى «الرسم»، ومع ذلك لم يحاول استكمال تعليمه عقب الصنايع: «ماحبتش أكمل، الشهادات والفن مايتفقوش»، من بورتريهات الرصاص إلى بورتريهات الملح، انتقل الشاب الذى حاول أن يجد راعياً لموهبته دون جدوى: «رُحت لفنان تشكيلى عندنا فى البلد، قال لى يا ابنى ملح إيه اللى هترسم بيه، اللوحات أساسها الاستمرار، وأنها تبقى ثابتة، مش ترسم اللوحة وتمسحها بعد شوية». «الشعراوى، أبوتريكة، جيفارا»، دشّن الشاب مسيرته بالشخصيات الشهيرة، أثار الأمر انتباه أصحابه، لكن أنظار عائلته بقيت بعيدة: «كل اللى يعرفوا إنى باحب الرسم، لكن على طول يقولوا لى هيجيب لك إيه يعنى الرسم، كبّر دماغك». نصيحة لا يسمعها الشاب الذى لا يدرى حتى الآن إلى أين سيقوده طريق «الملاحة» التى يستبدل بها الريشة والألوان: «صحيح الفن فى بلدنا مابيأكلش عيش، لكن أنا عندى مصدر رزق يخلينى أمارسه براحتى، أحسن ما أكون موظف حكومة، ولّا أبقى مربوط بوظيفة أروح لها كل يوم بميعاد وأمشى منها بميعاد». الكثير من البحث عمن يرسمون بالملح فى مصر، قاده إلى لا شىء: «الناس اللى بتتقن الفن ده فى أوروبا وأمريكا، والناس هناك بتقدّرهم جداً، هنا محدش مهتم، لكن أنا حابب أكمل، سواء جاب لى مقابل أو ماجابش».