تذكرة الأوتوبيس بجنيه.. وغرامة ضياعها 10: انتهى زمن الشعبطة
تذكرة الأوتوبيس بجنيه.. وغرامة ضياعها 10: انتهى زمن الشعبطة
أوتوبيس لا مكان فيه لموضع قدم أو حتى لنفس زائد، ومفتش يدور بين الركاب «تذكرتك يا بيه»، يشهر البعض تذاكرهم فى صمت بينما يتحجج فرد أو فردان بضياعها أو عدم قطعها من الأساس لشدة الزحام.. صيحة واحدة تخللت التبريرات من الملاحظ الخمسينى وهو يشير بأصبعه نحو الورقة المعلقة على زجاج الأوتوبيس «لكل اللى بيتهرب من الأجرة واللى يضيع تذكرته غرامة 10 جنيه ومحدش بعد كده يزعل».
«برجاء المطالبة بالتذكرة والاحتفاظ بها لنهاية الخط، وسوف يقوم المفتش بتغريم الراكب مبلغ قدره 10 جنيهات لعدم وجود تذكرة» نص التحذير الذى علقته أوتوبيسات خط الهرم روكسى منذ يومين، منعاً لسيناريوهات قديمة كان بعض المتهربين من الدفع يلجأون إليها سواء مع السائقين أو الملاحظين استغلالاً للزحام داخل العربة، أكد «عبدالحليم محمد»، مفتش على الخط نفسه، أنها انتهت بقرار من الهيئة «محدش هيفلت من العقوبة، المفتشين هيبقوا على كل الخطوط، واللى هيقول ضاعت أو هدفع حالاً هيدفع الغرامة، وأشار المفتش إلى أن السائق الذى يتسلم أجرة بدون تذاكر أمر مخالف «لو رفض يديهالك أو قالك التذاكر خلصت اتصل على أرقام الشكاوى لكن ماتركبش من غير تذكرة لأنك أنت اللى هتتحاسب» وأضاف: «العائد اللى هيطلع من الغرامات هيساهم فى تطوير عربات الخط، وصيانتها باستمرار يعنى من المواطن لنفسه».
الملصق التحذيرى قسم وجهتى النظر بين مؤيد لقرار الغرامة ومعترض عليها بسبب امتناع بعض السائقين عن إعطائهم تذاكر بحجة نفادها ومن بين المعترضين «أمانى أحمد» التى أصابها الملصق باستياء «هو السواق يطلع فى غير مواعيده ويعمل شغل لحسابه وإحنا اللى ندفع، ما يجيبوا كمسرى ولاّ تباع»، لكن «محمد حلمى» كان متفقاً مع قرار الغرامات «اللى يمشى على الصح مايتعبش، أحافظ على التذكرة ولو ضاعت غلطتى، أما لو غلطة سواق أشتكيه، خلّى حالنا يتصلح بقى».
