مسحراتى اليوم السادس والعشرون
صورة أرشيفية
وانا صنعتى
مسحراتى
فى البلد جوال
حبيت ودبيت
كما العاشق
ليالى طوال
وكل شبر
وحته من بلدى
حته من كبدى
حته من موال:
يا رب يا رب
أنا ذو شجن صب
اهدينى للصبر
أخدم فى ناسى
وأوفى بالندر
وقلبى مالى
أبدر آمالى
للعالمين بدر
الرايه قلعى
والصارى ضلعى
قادر على البحر
للسعد ابنى
ولعينى جفنى
وللأمان بر
مالكين مصيرنا
ينصر ناصرنا
صبح لنا قدر
فى كل ناحيه
عينينا صاحيه
يا ليلة القدر
ليلة بكل السنه
الطاقه عرض السما
والطاقه فى الصدر
المشى طاب لى
والدق على طبلى
ناس كانوا قبلى
قالوا فى الأمثال
الرجل تدب مطرح ما تحب