تامر أمين يشيد بعقوبات المترو: شيلوا كلمة معلش.. "ودتنا في داهية"
الإعلامي تامر أمين
أشاد الإعلامي تامر أمين، بإعلان شركة مترو الأنفاق، تحصيل غرامات من المتسببين في تأخير حركة القطارات بالخطوط الثلاثة بالدقيقة، تراوحت قيمتها بين 300 و400 جنيه، حسبما كان المتسبب في التأخير فردا أو شركة.
وقال "أمين"، خلال حلقة اليوم من برنامج "آخر النهار"، عبر شاشة "النهار": "فرحان، محدش يزعل من النظام وأنا واحد من أنصار السيستم، عشان يبقى فيه قانون، اللي أول مبادئه إن يكون في ثواب وعقاب".
وأضاف: "الملتزم المحترم نشيله على راسنا وياخد الخدمة وفوقيها بوسة، لكن اللي مش ملتزمة مينفعش ياخد نفس البوسة، ده مش عدل، لازم يتعاقب بشكل صارم".
وطالب مقدم البرنامج بعدم التسامح في تطبيق العقوبات على المخالفين: "كلمة معلش دي جابتنا ورا، بكرهها كراهية التحريم، تسيب وكله بيفلت من العقوبة، لازم ننسف كلمة معلش من ثقافتنا اللغوية في مصر، لأنها وديتنا في داهية وبتهدم دولة القانون".