لم يتوقع أحمد بسيونى، صاحب مشروع لتأجير العَجَل، إقبالاً كبيراً من جانب الطلاب هذا العام، فى ظل ارتفاع الأسعار، حيث يتبع فى محله تأجير الدراجات بالشهر: «فيه ناس بتكون مش قادرة تشترى عَجَلة، عشان أسعارها بقت غالية جداً، فبتقوم مأجَّرة واحدة، أهى منه بتلعب رياضة وفى نفس الوقت بتنجز مشاويرها بيها».
«إيجار العَجَلة لمدة أسبوع بـ250 جنيهاً».. قالها «بسيونى»، الذى يعمل فى هذا المجال منذ 4 سنوات، مضيفاً: «فى الصيف كان فيه إقبال كبير لتأجيرها للمصايف وكمان الشباب اللى بيشتغلوا فى شركات التوصيل كانوا بيأجروها دايماً، لكن مع اهتمام وزارة التعليم العالى بالعَجَل، أتوقع الإقبال يبقى كبير جداً أوقات الدراسة كمان».
بـ150 جنيهاً فى الشهر.. و"القماش": بتوصلك بين الدروس
نفس الفكرة يقوم بها كريم القماش، صاحب محل تأجير وصيانة «العَجَل» بمنطقة الهرم، حيث يوفر ما يقرب من 100 دراجة: «مشروع وبنستفاد منه، فيه طلاب كتير بيستخدموها فى مشاوير الدروس، العجل بنستفاد منه طول الصيف مش هنركنه، وفى الشتا بنحاول بردو نكسب منه»، وبحسب «القماش»، فإن الطلاب يؤجرون الدراجات بأسعار رمزية لتكون بديلة للمواصلات: «أغلب اللى بيأجَّر عَجَل همّا طلاب الثانوية العامة، طلاب ابتدائى وإعدادى عددهم مش كبير أوى، لأن أولياء أمورهم بيخافوا على أولادهم». تتراوح تكلفة تأجير الدراجة لمدة شهر بين 100 و150 جنيهاً، يقولها «القماش»: «هى بتفيد طلبة الدروس الخصوصية يوصلوا بسرعة من درس لدرس».
تعليقات الفيسبوك