علاء الشربيني
تصدر اسم الشيف علاء الشربيني، محرك البحث جوجل بعد إجراءه عملية جراحية في قدميه لمعانته من انسداد في الشرايين.
ويبحث الكثيرون عن علاء الشربيني سواء للاطمئنان عليه أو لمعرفة سبب العملية وعلى جانب آخر يحاول البعض معرفة بعض المعلومات عنه وعن حياته.
وفيما يلي أبرز تصريحات علاء الشربيني عن نفسه وعن والده وبدايته في الطبخ بحسب ما حكاه والده:
في لقاءه مع كريم شحاتة ببرنامج "كورة كل يوم"، حكى "علاء" عن سبب شهرته التي وصفها الإعلامي "طلعت بسرعة زي الصاروخ لأنه مجتهد في مهنته ويحاول تقديم أفضل ما لديه وتغيير المطبخ من خلال جعله بسيطا جدا ليصل بسهولة إلى المشاهد".
وعن دخوله مجال الطبخ، ذكر "علاء" أنه خريج مدرسة سياحة وفنادق وكلية سياحة وفنادق وحاصل على بلومة سياحة وفنادق، وأنها مهنته أبا عن جد: "كمهنة وكار رضيت أو لم أرضى لازم أشتغل في المهنة دي وأمسك في الشغلانة الفكرة بقى مش أمشي وراها وبس إني أطور الموضوع"، حيث إنه تعلم من خبرة والده ولكنه كان لابد عليه عمل شيئا منفصل عنه بحسب وصفه.
وشرح الشيف علاء، أن الطبخ تخصصات أي أن هناك من يجيد عمل العزائم بشكل متميز وآخر المخبوزات أو الحلويات أما عنه فهو متخصص في الطعام الساخن: "أنا شيف سخن الأكل اللي طلع في نفس الوقت".
ورد علاء على سؤال هل ينافس والده وخاصة أن برنامجه يذاع في نفس توقيت الشيف الشربيني بـ "كل واحد فينا له مشاهد في الأول والآخر أغلبية اللي بيشاهد ستات البيوت وكل الأعمار كل واحد له جمهور أن حد يحب أكلة معينة من أيد أبويا فيتفرج عليه ممكن حد يبقى عايز يشوف الموضوع من علاء فهي مش منافسة"، مؤكدا أن والده دائما ما يكون سعيدا بنجاحه.
وأشار "علاء" إلى أنه يخترع في الطعام عكس والده الذي يسير على نمط خاص به ووصفه بأنه "معلم" في المهنة: "أنا بخترع أكل وكل حاجة بس أبويا ملوش في الكلام ده خالص".
وذكر الشيف علاء أنه لا يطبخ في منزله: "مفيش حد في الدنيا بيشتغل مهنة بيعملها في بيته أعمل لو حد من أصحابي عندي، ومراتي مش بتضايق لأ بتتفاهم وهي اللي بتطبخ، وأنا باكل أي حاجة فكرة الطبخ في البيت مش صعبة لكن مش سهلة".
وأشاد علاء بدور أمه في حياته خلال برنامجه "لقمة هنية" قائلا: "أمي كل حاجة في حياتي بعد ربنا هي اللي ربتني أنا واخواتي وعملت علاء الشربيني اللي واقف قدمكم".
وفي برنامج "أنا وبنتي" الذي يقدمه شريف منير وابنته أسما، تحدث الشيف علاء على سبب عدم زيادة وزنه رغم أنه شيف وكيف يحافظ على جسمه: "أنا بحب الأكل والواحد يقدر يأكل اللي نفسه فيه بس أهم حاجة تحرقهم".
وكشف علاء عن المدة التي استغرقها في عمل مطبخ منزله وهي عام كامل وظل ينفذ في التصميم مع إحدى الشركات لمدة 12 يوم: "بيتي خلص وعشت فيه والمطبخ لسه"، وكان السبب أنه يريد صنع شيئا يكون مريحا في استخدامه.
وعن أكثر أكلة تتميز زوجته بها هي "الأرز المعمر" موضحا: "أي حد بياكله يفتكر أن أنا اللي عملوا، وهي كل حاجة بتعملها حلوة".
وعلى جانب آخر حكى الشيف الشربيني والد علاء في برنامج "الستات مايعرفوش يكدبوا"، عن أن ابنه واجه صعوبات أكثر منه قائلا "اتمرمط أكتر مني ليه بقى علاء لما درس سياحة وفنادق قولتلوا تعالى اشتغل معايا في أحد الفنادق الكبرى اشتغل وهو حب عايز يشتغل زي".
واستكمل الشربيني حديثه: "هو جه طوع ليا مقالش لأ على الشغل وأنا عشان كنت ناجح في شغلي وعشان أعلى راس فليا أعداء كتير بدأوا يحربوني بابني فجالي شكوا منه فجيت قولتلوا انزل قدم استقالتك".
وأراد الشربيني تعليم ابنه لأنه حينها كان شاب مدلل بحسب وصفه موضحا: "كان عايز يخطف أي قرشين وجري على شرم الشيخ أو طابا كنت عايز أعلمه الصح وكنت عارف هوديه فين بعد ما رفدوه"، حيث إنه جعله يسافر شرم الشيخ لتعلم اللغات: "يتعلم الدنيا ماشية إزاي وبعدين طلعتوا على ألمانيا نفس الطريق بتاعي بس إتمرمط أكتر مني رغم علاقاتي هناك لأن الألمان ميعرفوش صداقة".
تعليقات الفيسبوك