استغاثة من سكان منزل: "الطوب بيقع علينا"
الشروخ تملأ جدران المنزل
داخل العقار رقم (5) فى شارع جمال عبدالناصر بمنطقة بولاق الدكرور، تعيش 13 أسرة فى فزع وخطر محدق، خشية سقوط البيت المكون من 5 طوابق فى أى وقت، بسبب التصدّعات والشقوق الكبيرة التى تملأ جنباته، فلا تغمض عيونهم ولا ينعمون براحة منذ 2017.
"عزة": 3 سنين على الحال ده.. وقدمت شكاوى للحى بلا فائدة
الحركة داخل العقار صعبة للغاية، فالسكان يسيرون على أطراف أصابعهم، خشية سقوط جزء من السقف أو أحد الأعمدة: «البيت على الحال ده بقاله أكتر من 3 سنين، والسبب إن واحد اشترى العمارة وحب يزود فى الأدوار فراح بنى دور سادس علشان ينتفع بالإيجار، وهو مش عايش معانا ولا حاسس بينا ولا بالطوب اللى بيقع فوق دماغنا كل يوم»، حسب عزة بدر، واحدة من سكان العقار، وتقدّمت باستغاثات إلى رئاسة الحى، وكان صاحب العقار يمنعها.
العميد إيهاب مكاوى، رئيس حى بولاق الدكرور، أكد أنه يرسل باستمرار فرقاً من لجنة المنشآت الآيلة للسقوط للمرور على الأحياء ومعاينة المنازل، وفى حال رصد منزل آيل للسقوط يتم إبلاغ السكان بالخروج منه فى مدة زمنية محدّدة، وغالباً تكون قصيرة، حتى تتم إزالة العقار، ولا تصاب الأسر بأذى: «بنحفظ حق الأسر عن طريق رفع دعوى قضائية وشكوى ضد صاحب العقار، ومكتبى مفتوح لأى مواطن للشكوى فى أى وقت علشان كل مواطن يقدر يحصل على حقه ويشعر بالأمان فى نفس الوقت».