غير كلامه وهدد بنت عشان يداري فضيحته.. مسلسل عبدالله الشريف المكشوف
غير كلامه وهدد بنت عشان يداري فضيحته.. مسلسل عبدالله الشريف المكشوف
كشف وائل غنيم، القصة الكاملة للفضائح الجنسية، التي تداولها رواد مواقع التواصل الاجتماعي، للإخواني الهارب عبدالله الشريف، في منشور عبر صفحته الرسمية على "فيس بوك".
وكتب "غنيم": "أي حد بيفهم واتساب، عارف إنك ممكن تنقل الباكب بتاع الرسايل من تليفون للتاني، وعنتيل الدوحة الموضوع مشي معاه بالتسلسل ده".
وقال غنيم، إن التسريب الأول كان مع سيدة كويتية وكان مجرد صوت، أي أنه ليس مصحوبًا بمقطع فيديو، حيث لم يكن يتوقع أن أية تسريبات جديدة ستنشر له: "فطلع وأنكر التسريبات، بحجة إنها مش صوته والأسبوع عدى".
وأضاف، أن المحلل السياسي محمد قنديل، عندما شارك التسريبات بالصوت والصورة للفتاة الأخرى "التي تصغر الإخواني الهارب بنحو 20 عامًا"، لم يعد قادرًا على الإمكان، لأن أمره بات مفضوحًا: "فكانت الاشتغالة الجديدة إنه عمل الموضوع كله ببرانك شات، وإن الموضوع عشان يضحك بيه على إعلام الدولة المصرية".
وتابع: "عندما فضحه الشباب، وأثبتوا إن برانك شات مينفعش يطلع منه السكرينات اللي نشرها قنديل، كان الحل الوحيد هو اتصاله بالبنت وهددها، إنها لو مبعتتلوش الباكب بتاع التليفون بتاعها، هو هينشر كل صورها، لكن لو بعتت الباكب وقدر يهرب بالرواية مش هينشر حاجة، البنت للأسف بعتتله الواتساب بتاعها من رعبها وخوفها من الفضيحة".
وأردف: "نقل البيانات على تليفون عنده، وراح طالع لايف عشان يغير الرواية للمرة التالتة، والمرة دي يقول، لا دي كانت محادثات رايح جاي بين تليفونين، وآدي التليفونين أهو وآدي المحادثات أهي، وطبعا فاته شوية تفاصيل زي أي كذاب منها إنه قال إنه عمل الاشتغالة في 4 أيام، مع إن المحادثات أصلا شغالة بقالها شهور، والتواريخ في سكرينات قنديل بتثبت".
وواصل: "اللي عمله عبدالله الشريف لحد دلوقتي أثبت، إنه معندوش رواية ثابته، روايته زي الجيلي اللي مش عارف يتماسك، وهل فيه حد عاقل يعمل لنفسه فضيحة جنسية، منها صور في غرفة النوم؟ لا والمصيبة بعض التفاصيل فعلا مينفعش تبقى حد بيألفها على نفسه، إلا لو مريض نفسيا".
وتابع، أن الإخواني الهارب لم يتوفر لديه الحد الأدنى لعقول المشاهدين، حيث أنه خرج لكي يوجه اللوم له، زاعما أنهم متحاملون عليه، بدلًا من محاسبة نفسه، بشأن قيامه بتزييف وعي الملايين: "ويعودهم إن أي حد يضحك عليهم ومش كده وبس هو محسبش مقدار الصدمة اللي هيتعرض ليها ناس كتير ممكن تتفتن في دينها بسبب تجار الدين اللي زيه".
وأتم: "ده تمام العنتيل، وده اللي أنتم ماشيين وراه، وعهد لا إله إلا الله، فضحه لحد ما تخلص تماما ظاهرته الصوتية زي ما خلصت ظاهرة محمد علي، أصبح غرض أساسي في حياتي، عشان اللي يشتغل حرامي أعراض ويهدد بنات الناس بالفضيحة، عشان يخبي فضيحته مينفعش يفضل يضحك على ملايين الشباب العربي ويزيف وعيهم".
