أمال ربنا فين؟.. شاكوش يرد على تصريحات بيكا بأنه سبب شهرته
أمال ربنا فين؟.. شاكوش يرد على تصريحات بيكا بأنه سبب شهرته
رد مغني المهرجانات حسن شاكوش، على ما ذكره مغني المهرجانات حمو بيكا بأنه وراء شهرته وهو من صنعه، قائلا: " أما ربنا فين، أنا عملت قبل ما هو ما يطلع (عم يا جمال) و(إحنا بتوع ربنا) و (اسمك إيه) و(وداع يا دنيا وداع)"، موضحا أنه شارك حمو بيكا في أغنية "شمس المجرة".
وأضاف شاكوش، خلال حواره في برنامج "شيخ الحارة والجريئة"، الذي تقدمه المخرجة إيناس الدغيدي، الذي يُعرض على شاشة "القاهرة والناس"، أن حمو بيكا تواصل معه في أحد الكافيهات وطلب منه الاشتراك في أحد الأعمال، "قولتله مفيش مشاكل، وعملنا شغل مع بعض، إحنا الاثنين كان لينا نصيب أن أغانينا تضرب مع بعض".
وتابع : "مفيش حد بيعمل الثاني، إحنا أصلا مش شغالين مع بعض، في الفترة الحالية شغلي لوحدي مع فرقتي، فيه فترة بعمل شغله مع حد بس مش طول الحياة هفضل أعمل معاه شغل"، مؤكدا أنه لا يعرف سبب هجوم حمو بيكا عليه، مرجحا أن يكون ذلك بسبب الغيرة من النجاح الكبير الذي حققه في الفترة الأخيرة.
وواصل: "بيكا طيب وغلبان، ممكن نجاحي يكون ضايقه، بس هو أي شخص يقوله كلمه بيصدقها، وهو ما شاء الله بيسخن على طول، بيتكلم أي كلام وخلاص، أنا عن نفسي بتفرج على فيديوهاته بقعد أضحك".
