أديب يحذر من انتظار الأمهات أمام لجان الامتحانات: "ولادكم مش صغيرين"
ويمازح الطلاب: والنبي ما عاوز حالات إغماء إحنا عندنا كورونا
صورة أرشيفية
حذر الإعلامي عمرو أديب، أولياء أمور طلاب الثانوية العامة وخاصة الأمهات، من الوقوف أمام اللجان أو الجلوس أمام المدارس انتظارا لأبنائهم أثناء امتحانات الشهادة الثانوية العامة، خاصة في ظل وباء فيروس كورونا المستجد (كوفيد 19)، موضحا أن ذهاب الأهالي وكبار السن يُشكل خطرا عليهم، "الشباب اللي بيجلها كورونا لا تظهر عليهم أعراض وممكن يبانوا أصحاء جدا، بس دول من أقوى موصلي العدوى لكبار السن".
ووجه أديب، خلال برنامجه "الحكاية"، الذي يُعرض على شاشة "MBC مصر"، اليوم، رسالة لأولياء أمور الطلاب: " يا أمي ويا أبويا، بلاش تروحوا مع ولادكم، أنت لو ضامنة ابنك في البيت أنه مش مصاب، أنت رايحة تقابلي جمع كبير من الطلاب، مفيش أي دولة في العالم فيها ناس بتستنى ولادها أمام اللجان، ده طقس مصري، وبعدين دول في ثانوية عامة، يعني الطالب بقى راجل والشنب شط في وشه".
وفي رسالة كوميدية للطلاب، قال الإعلامي: "والنبي ما عاوز واحدة تغمى عليها، ولا حد يخرج من الامتحان متشطح ومعيط ويغمى عليه وبعدين ينتقل للمستشفى، لا لا، إحنا في عندنا كورونا، وبعدين ما الشباب بيقولوا على فيس بوك الكورونا مش بتأثر فيهم، طب ما انتوا جامدين أهو، روحوا الامتحانات وحافظوا على مستقبلكم".