أعمال الشاب أحمد صبحي بالإير براش
حبه الشديد للرسم منذ نعومة أظافره تشكل معه يوما بعد يوم، حتى أصبح واحدًا من رواد المجال الفني الكبير، فلم يتوقف شغف أحمد صبحي، 30 عامًا، ابن محافظة الغربية، على الرسم على مجرد تقديم بعض اللوحات أو الرسومات الفنية، بل امتهنه أيضًا مقدمًا لمسات مميزة بأعماله اليومية، والتي جاء آخرها في الرسم على مفاتيح الكهرباء.
"بدأت أحب الرسم وأنا في ابتدائي، كنت بقلد أي حاجة مجسمة قدامي وأرسمها على ورق، لحد ما اتطورت وبدأت استغل موهبتي وأرسم لصحابي جوا بيوتهم، وبعدين بدأ يتطلب مني شغل لحد ما بقى مهنة أساسية ليا"، حسب قول أحمد.
لم يرغب الشاب الثلاثيني في تقديم عمله الفني بشكل روتيني فقط، بل أراد أن يقدم لمسة خاصة له بأعماله، وهو ما جعله يتجه لتعلم فن الرسم باستخدام الفرشاة الهوائية "الإير براش".
يعد العمل باستخدام "الإير براش" صعبًا لدرجة كبيرة، ليبدأ "أحمد" في التدريب عليه وتعلمه على مدار عامين متواصلين، حتى أصبح من متقنيه داخل مصر، "درست كورسات خفيفة، وبدأت أعتمد على مجهودي الشخصي في التعلم، وأتعلم من فيديوهات الأجانب على يوتيوب".
الرسم بإتقان وابتكار مجسمات فنية ببراعة على مفاتيح الكهرباء داخل المنزل، جاء عن طريق الصدفة مع الشاب الثلاثيني، "كنت عاوز أقدم حاجة مميزة لأخويا في شقته، ففكرت أرسم رسومات مبتكرة ولطيفة على مفاتيح الكهرباء، أنا بستخدم في الرسم ده مسدس بيطلع لون ممزوج بهواء، والرسمة بتطلع حسب حركة اليد، والنوع ده مفيهوش أي تخطيط لشكل الرسمة قبل تنفيذها، بيعتمد كله على الخيال، عشان كده الغلطة فيه بتبوظ كل حاجة، ولما لاقيت نفسي بقيت محترف فيه، بقيت أبتكر أفكار أكتر وأكتر".
تعليقات الفيسبوك