محطة تحلية المياه
بالجهود الذاتية، استطاع أهالى قرية الرحمانية بميت غمر، التابعة لمحافظة الداقهلية، إنشاء محطة لتحلية المياه لخدمة الأهالى بتكلفة 70 ألف جنيه، وذلك بعد ارتفاع أعداد المصابين بحصوات الكلى والمرارة، بسبب ملوحة المياه الزائدة، التى تعدت نسبتها الـ300 جرام.
تم اختيار أكثر منطقة تحتوى على عدد كبير من السكان لإنشاء المحطة، حتى يستفيد منها أكبر عدد: «كل ما كانت المحطة قريبة لبيوت كتير كان أفضل، والمستهدف منها أكبر، عشان الناس ماتكسلش إنها تمشى لمسافات كبيرة تملأ الميه»، بحسب علاء حمدى، أحد السكان، وهو المسئول عن جمع التبرعات من السكان.
«ما كانش فيه مبلغ معين محدده للتبرعات، لكن اللى قادر يدفع بيدفع، وبمجرد ما أعلنت عن المشروع الخيرى ده، ناس كتير من أهل القرية اتبرعوا على طول، وقدرنا فى أسبوع نجمع الـ70 ألف جنيه»، قالها «علاء» مؤكداً أنه تم تجهيز المكان بتركيب السيراميك والكهرباء وتوصيل الصرف الصحى، وحفر بئر على عمق 60 متراً.
تبلغ سعة المحطة 30 ألف لتر مياه يومياً، وهى نسبة كافية لتغطية احتياطات السكان بالكامل: «المحطة متاحة طول الوقت كل واحد بييجى يملا الخزان أو الجرادل اللى عنده ويمشى، واللى اتبرع أو ما تبرعش من حقه ياخد من الميه، لأن الميه عندنا غير صالحة للشرب، والملوحة عالية جداً وكنا مستحملينها بالعافية لحد ما ابتدينا نتعب واحد ورا التانى».
وبحسب «علاء»، تم بناء المحطة فى يومين فقط: «السباك وبتاع السيراميك والكهربائى متبرعين بأجرتهم، فيه ناس من أهالى القرية اتبرعوا بمجهودهم وناس اتبرعوا بفلوس»، لافتاً إلى أنه سيتم بناء محطة أخرى فى حال احتياج القرية لها.
تعليقات الفيسبوك