عائلة إسلام تحتفل بالعيد
تكتمل بهجة عيد الأضحى المبارك، بتبادل الزيارات العائلية، لكن هذا العام قد تكون صعبة بسبب جائحة كورونا، وقرار بعض العائلات الالتزام بالتباعد الاجتماعي، والاكتفاء بتبادل التهنئة بمكالمات الفيديو، بينما وضع البعض الآخر، جدول يومي لعدد محدد من كل أسرة، للتجمع يوميا خلال 4 أيام العيد.
"العيد من المناسبات اللي بتتجمع فيها عيلتنا، بس للأسف السنة دي قررنا منتجمعش، حتى الأضحية استقرينا على إن كل واحد هيضحي لوحده"، حسب إسلام البنا، الذي قررت عائلته أن تحدد مواعيد لتجمع كل أسرة بمنزل والده، باعتباره كبير العائلة: "عليتنا متفهمة ومقدرين الظروف اللي إحنا فيها عشان كده بابا قال لكل أسرة من عيلتي تيجي تزوره في يوم، بدل ما نتجمع كلنا مع بعض في مكان واحد".
علاوة على بعض الإجراءات الوقائية كالتعقيم والتطهير والحرص على نظافة المنزل جيدا، وطهي الطعام داخل المنزل بدلا من شرائه جاهزا، لجأت عائلة إبراهيم الشريف لوسيلة أخرى، حيث قررت تبادل التهنئة بالعيد من خلال مكالمات الفيديو: "فكرة أني متجمعش مع أهلي زي كل عيد صعبة، بس إحنا كلنا مضطرين عشان خايفين على بعض، وده أحسن كمان عشان الناس الكبيرة في السن في عليتنا محدش يتضر".
وحسب إبراهيم، ربما تستغنى عائلته أيضا عن بعض العادات السنوية، وبينها إقامة حفلات الشواء وتناول وجبة الفتة واللحمة معا: "العيد مالوش طعم من غير لمتنا بس هنعمل إيه تتعوض بعد ما الوباء ينتهي هنرجع نتجمع".
تعليقات الفيسبوك