حملة إلكترونية لدعم أحمد وزينب.. وجمهور السوشيال: متحرمهمش من بنتهم
حملة إلكترونية لدعم أحمد وزينب.. وجمهور السوشيال: متحرمهمش من بنتهم
رغم أن محتوى الفيديوهات التي يقدمونها، على موقع اليوتيوب، قد يواجه معارضة واستياء شديدين بين جمهور السوشيال ميديا، بسبب ضعفها، إلا أنهما حصلا على دعمٍ كبيرٍ بين مستخدمي مواقع التواصل الاجماعي، فور القبض عليهما، بتهمة ترويع طفلتهما، وتدشين حملة إلكترونية للدفاع عنهما، ولم شمل أسرة اليوتيوبر أحمد حسن وزوجته زينب.
"مش بحبهم ومش بتابعهم ولا بشوف هما بيعملوا إيه لأن كل اللي بيقدموه مش مناسب ليا وممكن يضيع لي وقتي بس مش معنى كده أن أم وأب يتحرموا من بنتهم والبنت تبقى زيه زي اليتيمة"، بحسب هداية صلاح، إحدى مستخدمات مواقع التواصل الاجتماعي، وشعرت باستياء شديد نتيجة حبس أحمد حسن وزوجته، بتهمة ترويع وإخافة طفلتهما: "بابا وماما حكوا لي أنهم عملوا معايا كده وأنا صغيرة وأنا نفسي بعمل ده مع أي طفل بشوفه بس ده من باب الهزار والضحك وأحياناً الطفل نفسه بيضحك على الأفعال دي".
ووفقاً لـ "هداية"، تتمنى أن لا يكرر الثنائي أحمد وزينب، هذه الفيديوهات، ويلتفتان إلى تربية طفلتهما، وتقديم محتوى هادف ويشرف طفلتهما حينما تكبر: "اليوتيوب أكل عيشهم بس على الأقل يقدموا حاجة مفيدة محدش فينا هيستفيد لما يطلعوا بحياتهم الخاصة ونعرف عنهم تفاصيل في رأيي أنها مملة جداً".
نفس الموقف تتخذه، آلاء صلاح، وذلك بالدفاع عن "أحمد وزينب"، ومسامحتهما على الفيديو الأخير لهما: "أغلب الهجوم اللي حصل عليهم عشان الناس بتكرهم مش عشان هما بيقدموا محتوى تافة، وحرام أن أب وأم يتحرموا من بنتهما عشان الناس مش بتحب الفيديوهات بتاعتهم"، ورغم أن "الاء"، ليست من جمهورهما إلا أنها ترفض معاقبتهما بسبب دعابتهما مع طفلتهما: "حتى لو هزارهم تقيل وبايخ بس كلنا بنعمل كده مع اخواتنا الصغيرين أو قرايبنا وحتى الاطفال لو شوفناها في الشارع".
حملة الدعم الكبيرة لهما، لم تشمل جمهور السوشيال ميديا فقط، وإنما بعض الفنانين، ومنهم مراد مكرم، والذي دافع عنهما، قائلاً: "أحمد وزينب مش بيقدموا أي حاجة عليها القيمة، استظراف وبيقلب بسماجة، إنما ليهم جمهور متابعينهم وبيساعهم يعملوا فلوس كتير، أفهم أن يجيلهم تحذير من استخدام بنتهم في فيديوهات، إنما تحبسوهم عشان خايفين على البنت؟ نعم.. تشردوا البنت وبالاسم خايفين عليها؟ متغاظ أنهم بيعلموا فلوس من ولا حاجة، نزل قانون مخصوص لليوتيوبرز وخد ضاريب، إنما النفسنة والكره ما يوصلوش أننا نحبس راجل ومراته ونشرد بنتهم زي اليتيمة عشان عملوا مقلب فيها".
