علي مع الكلب دهب
5 آلاف جنيه، مكافأة مالية كبيرة رصدها علي الشربيني، بمحافظة الإسكندرية، لمن يدّله على الكلب "دهب"، الذي فقده منذ 30 يوما، وحاول بطرق كثيرة إيجاده بأسرع وقت، كما دشن حملة إعلانية مكثفة بـ 10 آلاف جنيه للبحث عنه.
حالة سيئة شديدة يعيشها "علي"، بعد فقدانه للكلب، وتأثر نفسياً كثيراً: "دهب بالنسبة لي صاحبي بالظبط وكنت بقضي معاه كله وقتي وكان بينام جنبي على السرير وبنخرج سوا ومش هيحس بحالتي السيئة غير اللي بيربوا كلاب ومهتمين بها وهيعرفوا إن غيابه عنه صعب جداً".
ويحاول "علي" استكمال حملة الدعاية وطباعة منشورات للبحث عن الكلب: "علقت صوره بكل مكان وكلمت ناس كتير اللي يلاقيه وياخد المكافأة فوري بس ألاقيه واخده في حضني من تاني"، ووفقا لـ"علي"، فقد الكلب داخل منطقة 45 بالإسكندرية: "بقالي شهر بمشي بميكروفونات وبنادي وأقول يا دهب إنت فين ورد عليا.. كأني بنادي على عيل صغير".
عاش "علي" عامين مع "دهب"، وحظي بذكريات كثيرة معه: "كنا بنخرج سوا وبنشوف التليفزيون مع بعض وكان بيسمع كلامي"، بحسب "علي"، ورغم أنه تعرض للسخرية كثيراً، بسبب دفع هذه المبالغ الكبيرة في رحلة بحثه عن الكلب، لكنه لم ييأس، ويواصل في البحث عنه: "مش هسكت لحد ما ألاقيه وكتير نصحوني أشتري واحد غيره وأوفر الفلوس دي كلها بس اللي بيربي كلاب هيعرف قيمتها وهيفهم مدى تعلقي بدهب وخوفي عليه"، ووفقاً لـ "علي"، فهو يشعر بالإحباط لعدم الاطمئنان على "دهب" حتى الآن.
تعليقات الفيسبوك