ملابس الإحرام
ركود شديد تعرض له أصحاب محال ملابس الإحرام، بسبب توقف رحلات الحج والعمرة لـ 6 شهور مستمرة، وبعد قرار عودتها مرة أخرى تدريجياً بدءًا من 4 أكتوبر، قامت هذه المحال ببيع الملابس بأسعار بسيطة تتراوح بين 100 و550 جنيها، بهدف تخفيف العبء عن الحجاج والمعتمرين، خاصةً في ظل هذه الظروف الاقتصادية.
حسن عمرو، صاحب ملابس الإحرام، بمحافظة الإسكندرية، عاد إلى نشاطه، بتقديم تشكيلة مختلفة ومتنوعة من ملابس الإحرام للرجال والسيدات، بأسعار بسيطة، تناسب كل الفئات، ويتراوح طاقم الإحرام للرجال بين 150 و250 جنيها، وفقاً لنسبة القطن الموجودة، ويشمل قطعتين البنطلون، والوشاح العلوي، أما السيدات، فالأسعار تتراوح بين 150 و400 جنيه، وتشمل "عباءة وقميص وبنطلون وحذاء وشراب أبيض": "البيع كان واقف بطبيعة الحال ولسه المواطنين مش رجعوا يشتروا زي الأول ومن ساعة ما أعلنت السياحة عن عودة العمرة دخل لي 5 بس اشتروا والباقي بيسأل عن الأسعار، وده شجعني أنزل في سعر الملابس عشان اللي قرر يروح العمرة أشجعه يشتري وأساهم في قراره في وقت صعب زي ده"، بحسب "حسن"، فإن نسبة الإقبال بين المواطنين لا تتعدى لا تزال منعدمة.
بدأ أحمد عبدالعال، مسؤول محل ملابس الإحرام، بمنطقة الهرم، في استقبال الزبائن داخل، ويقدم أنواعا مختلفة من ملابس الإحرام للسيدات والرجال، بأسعار تتراوح بين 100 و550 جنيها، وذلك وفقاً لنسبة القطن المتواجدة به: "في ملابس إحرام بنسبة 50% و80% و100% وبالنسبة للرجال قطعتين بس أما السيدات بتبقى أكتر وسعرها أغلى بـ 400 وفي بـ 550 جنيه وبيبقى شامل البنطلون والقميص وطرحة والجزمة والشراب"، بحسب بـ "أحمد"، كما يبيع حقائب نسائية ورجالية بأسعار بسيطة تتراوح بين 50 و100 جنيه: "للأسف لسه الإقبال ضعيف".
تعليقات الفيسبوك