أخبار متعلقة

حملات نظافة ورفع كفاءة الإنارة بدسوق وتطوير مصيف بلطيم

خبراء يوضحون.. "ليه الناس مش بتنام كويس في الخريف": الجو كئيب

"الأرصاد" تحذر المواطنين من تقلبات الخريف: "إحنا في جو مرض"

تحذير لمرضى حساسية الصدر: هواء الخريف مضر لصحتك

ارتفاع أسعار إيجارات الشاليهات وشقق المصايف طوال فصل الصيف، يجعل البعض يؤجلون عطلتهم الصيفية إلى فصل الخريف، بهدف استغلال عروض التخفيض والخصومات الهائلة التي تقدمها شركات السياحة، لجذب الباحثين عن الهدوء والاستجمام والأسعار مخفضة.

خصومات تصل إلى 50% على حجز شاليهات، يقدمها أحمد مرسي مدير إحدى شركات السياحة بمنطقة مصر الجديدة، موضحا أن سعر إيجار شالية غرفتين وصالة يصل إلى 600 جنيه لمدة 4 أيام بالعين السخنة، أما الساحل الشمال فيصل السعر إلى 900 جنيه.

يقول مرسي: "يعتبر بأجر الشاليهات ببلاش كده، الأسعار ديه ولا حاجة في عز أيام السيزون الأسعار بتبقى مولعة، وكل وقت وله زبونه، فيه أشخاص بيحبوا يروحوا يستجموا ويروقوا دماغهم، وفي نفس الوقت ميدفعوش فلوس كتير، فبيختاروا أوقات مختلفة زي الخريف".

بعد انتهاء الصيف تبدأ نسب الإقبال على الشاليهات والشقق في الانخفاض، إذ يقول مرسي: "الخريف بالنسبة لنا في الشركة مش بنقدر نحقق من وراه مكسب، وبنتعمد فيه نقلل الأسعار على قد ما نقدر عشان نغري الزبون اللي مكنش بيصيف في الصيف أنه يحجز في الخريف، وده يعتبر مكسب له ومكسب لينا في الشركة".

ويتزايد الإقبال بقوة على مدينتي دهب ونويبع، خلال شهري أكتوبر ونوفمبر، بالتزامن مع بدء فصل الخريف، بسبب الهواء والطقس الدافئ، بالإضافة إلى أن الأسعار تكون منخفضة ومغرية.

أسماء حسن، مسئولة تنظيم رحلات إلى دهب، تتعاون مع بعض الشركات السياحة لتوفير أتوبيسات لنقل المسافري يصل سعر الفرد إلى 550 جنيها لمدة 4 أيام، و650 جنيها لمدة 5 أيام، شاملة الإقامة والانتقالات والرحلات البحرية والجوالة المجانية.

توضح أسماء: "ده الموسم بتاع دهب، الأسعار بتكون رخيصة جدا، وفي مصطافين مش بيروحوا طوال الصيف وبيقعدوا مستنين الفترة ديه، عشان هدوء، وسعر الرحلة بسيط قوي ميجيش سعر قميص شتوي، فعشان كده كتير جدا بيستنوا عروض الخريف".

تنظم أسماء، هذه الرحلات بشكل أسبوعي لمدة 3 أشهر حتى يناير المقبل: "الميزة في دهب عن أي مصيف تاني أن المسافرين ممكن يقعدوا في أكواخ خشب على البحر على طول، أو يقعدوا في فنادق وأكلهم ورحلاتهم بره الفندق".

الاستمتاع غاية الجميع من السفر إلى المصايف خلال فترة الخريف، لكن عليك الحذر، خصوصا أن تلك الفترة تتميز بالتقلبات الجوية المفاجئة، والتي تزيد معها احتمالية الإصابة بنزلات البرد، وحتى لا تفسد رحلتك نرشح لك: (نصائح لتجنب البرد والأنفلونزا في فصل الخريف)