على صفحته الشخصية بموقع "فيس بوك"، قدم الفنان أحمد فهمي اعتذارا للاعب نادي الزمالك شيكابالا، بعد تعرضه للاساءة من مشجعي النادي الأهلي، بعد فوز القلعة الحمراء أمس، في نهائي أبطال أفريقيا، بنتيجة 2-1.
وكانت الجماهير وصفت شيكابالا بـ"الكلب"، فبعد انطلاق صافرة الحكم وإعلان فوز النادى الأهلي، انطلقت بعض الجماهير إلى الشارع وحملوا كلبا أسود اللون، وهتفوا ضد لاعب الزمالك، وهو ما أثار غضب المشجعين من الناديين، الذين وصفوا ما حدث بأنه تنمر وإساءة وعنصرية غير مقبولة.
اعتذار فهمي لشيكابالا
وكتب "فهمي" عبر حسابه الشخصي بـ"فيس بوك": "رغم خلافي معاه الشديد ومفيش صلح من بعيد ولا قريب بيني وبينه، لكن موضوع الكلب والفيديو ده حاجة عنصرية جدًا بصراحة ومنظر بشع، إحنا جمهور كبير ومحترم وبنقول على الغلط غلط، حتى لو طالع من عندنا، الاعتذار عن اللقطة دي واجب، بعتذرلك ولكن موقفي منك لن يتغير".
وأثار تصرف بعض المشجعين غضبا كبيرا على مواقع التواصل الاجتماعى، وكتب حساب يحمل اسم أمير رجب: "الناس اللي عملوا كدة في منتهى قلة الأدب والذوق، وما شافوش تربية، إنت كمشجع بالنسبة للاعيبة ولا حاجة ومش في دماغهم أصلا، هم بياخدوا فلوس وإنت بتحرق دمك على الفاضي".
وتعليقا على فيديو الكلب الذي انتشر عبر فيس بوك، كتب حساب يحمل اسم ناصف فارس: "في احتفالات الجماهير بفوز الأهلى لبسوا كلب أسود تيشيرت الزمالك وهتفوا باسم شيكا، هى دى الروح؟ هى دى البطولة اللي في بيتها؟.. إحنا متضايقين على التنمر وعلى اللى بيحصل، شعور واحد زي شيكابالا دلوقتي إيه لما يشوف صورة زي دي، شعور والدته لما تشوف ده، أنتو متخيلين، لنا الله وربنا هيجيبله حقه من العيال دي، دول لازم يتجابوا ويتحاكموا واحنا مش هنسكت على موقف زي ده"، وكتب في نهاية منشورة: "الصورة من الأقصر ميدان صلاح الدين".
تعليقات الفيسبوك