خطوات توثيق حسابك على التيك توك.. التطبيق مبياخدش فلوس

كشف هاني كامل مدير المحتوى على تطبيق التيك توك، عن كيفية توثيق حسابك على تطبيق التيك توك، والإشاعات غير الصحيحة حول ضرورة وجود عدد متابعين كبير وتقديم محتوى معين، موضحا كيفية توثيق الحساب الخاص بك من خلال شركة التيك توك "متخليش أي حد يضحك عليك وياخد منك فلوس لأن التيك توك مبياخدش فلوس خالص للتوثيق وهي خاصية غير مقبولة تماما في الشركة".

وأضاف كامل خلال مداخلة عبر زووم، في برنامج "صباح البلد"، المذاع على فضائية صدى البلد، أن الخطوات التي يجب أن تتخذها لكي تستطيع أن تحصل على التوثيق وهي أنه لا بد أن يكون لك نوعية محتوى معين تقدمه "مش الليبسنج لأنه موجود طبعا في الأبلكيشن لكن مش ده المحتوى اللي بيتم التوثيق علشانه حتي لو عندك ملايين المتابعين والمحتوى بتاعك ليبسنج لا يتم توثيق الأكونت".

وتابع، أن أهم شيء يجب أن يتوافر لديك هو أن يكون لديك محتوى علمي، رياضي، فني، بتمثل، بتغني، أو عندك موهبة معينة، "بيبقى الفيديوهات عندك عليها مشاهدات عالية وبيجيلك نسبة مشاهدين ومتابعين كبيرة ده طبعا بيرشحك أنك بتعدي الـ 500 ألف الأولى بسهولة وبعد ما بتعدي الـ 500 ألف تبدأ الفرق بتاعتنا في تطبيق التيك توك بالتواصل معاك على نوعية المحتوى بتاعك وبيكون بينك وبينهم تواصل معين، والتواصل ده هو اللي بيخليك تقدر بعد كده تكبر الأكونت بتاعك وتساعدك في الوصول حتي تصل إلي العلامة الزرقاء".

واستطرد، أنه "بالنسبة لو أنت من التيكتو أنفلونسرز الموجودين بالفعل على السوشيال ميديا برة ودخلت انضميت للتيك توك وكل الأكونتات الخاصة بيك على السوشيال ميديا متوثقة وليك أخبار مكتوبة عنك عن الإنترنت، ده بيساعد بسهولة إنك توثق الأكونت بتاعك على التيك توك لكن بشرط برضه أنك تكون بتقدم محتوي كويس ومقبول ومفيهوش أي حاجة مخالفة لإرشادات المجتمع بتاعتنا، ومبناخدش فلوس خالص للتوثيق".

• هاني كامل
• التيك توك
• برنامج صباح البلد
• توثيق حسابك على التيك توك
• هاني كامل
• التيك توك
• برنامج صباح البلد
• توثيق حسابك على التيك توك