فريدة الزمر: «زواجي فشل بعد 38 عامًا بسبب الشعوذة»
فريدة الزمر: «كان نفسي أخلف بس ربنا مأرادش»
فريدة الزمر
روت الإعلامية فريدة الزمر، تجربتها مع الزيجة الثانية، التي استمرت نحو 38 عامًا، حتى باءت بالفشل بعد تلك السنوات، قائلة: «ربما فشلت بسبب الشعوذة».
وتحدثت فريدة الزمر، لأول مرة عن ذلك المشروع، خلال حوارها مع الإعلامي محمود سعد، موضحة أنها لم تُنجب أطفالا من الزيجة الثانية، رغم المحاولات العديدة «كان نفسي أخلف وماكنتش ممانعة خالص، وحاولت الإنجاب لحد آخر مرة الدكتور قالي أنتي بتعاندي في إيه؟.. قلت له أنا مش بعاند.. قالي وربنا مش عاوز.. وقفت بقى، ومعملتش أي محاولات تاني خالص».
مالقتش الأمان في زواجي بعد 38 سنة
وتابعت فريدة الزمر: «الزواج في العموم مودة ورحمة وأمان، وبعد 38 سنة تقريبًا، مالقتش الأمان، معرفش إيه اللي حصل.. ممكن يكون حصل لنا شعوذة، أو تصرف أهوج حصل ما بينا.. حصلت حاجات بسيطة جدًا، كنت بعديها، وماكنتش مدياها البعد الصح بتاعها.. ماكنتش منتبهة لحاجات وبتجاهلها مش مصدقة نفسي.. لكن في الآخر زي ما يكون حد خبطني على دماغي فوقت ولاقيت نفسي في حتة تانية»، متسائلة بقولها: «لما حد مراته تتعب، مفروض زوجها يقف جنبها ويدعمها ويحضر معاها الجلسات.. بس هسكت خلاص».
وأكدت فريدة الزمر، أنها: «تجاوزت تلك الأزمة بالإيمان، وإن اتجهت لربنا أكتر.. وأنا راضية»، متابعة: «بقول لكل بنت تختاري الأصل، يكون له كبير يترد له، ولو هو الكبير لازم يتصرف كأن هو الكبير».
سيرة
فريدة الزمر، كانت واحدة من أبرز المُذيعات بالتليفزيون المصري، وسبق وأن ترشحت في انتخابات مجلس النواب، خلال دورة عام 2010، كما أنّ ابنتها هند رشاد تعمل مذيعة أيضا في التليفزيون المصري.