نصاب سوهاج استغل حاجة البعض في الثراء السريع، وقرر أن يجمع منهم مبالغ مالية ضخمة بدعوي تشغيلها في الملابس، ومن ثم حصول هؤلاء الضحايا على أرباح نظير تلك الأموال التي يجمعها.
جمع 10 ملايين جنيه
اقتنع أهالي مركز طهطا بمحافظة سوهاج، بما يقوله «أ. ف. ش»، الذي تمكن من الإيقاع بضحاياه، وجمع منهم مبالغ تزيد عن 10 ملايين جنيه، وبعدها فر هاربا، ولم يستدل عليه حتى الآن.
رسمي ميلاد، 50 سنة، من مركز طهطا، بمحافظة سوهاج، أحد هؤلاء الضحايا، الذي خسر ما يزيد عن نصف مليون جنيه، بعدما أوهمه «النصاب» بأنه سيحصل علي أرباح ربع سنوية علي هذا المبلغ تتخطى 100 ألف جنيه كل 3 شهور: «ضحك علينا كلنا، وقال هتاخدوا أرباح أعلى من البنوك، وإن الشغل معاه مضمون، لأنه عنده مصنع ملابس، والتجارة في الملابس مربحة، صدقنا كلامه وروحنا أديناه كل فلوسنا، وراحت علينا تحويشه العمر».
يشير «رسمي» إلى أن «النصاب» كان يملك سوبر ماركت في المنطقة ولديه شقيق يعمل تاجر موبيليا وأخشاب، كما أن أشقاء زوجته يملكون مصنع ملابس في منطقة إمبابة: «كلنا عارفين عائلته ومتوقعناش إنه ينصب علينا ويلم فلوسنا ويهرب مننا».
«نصب علينا وأخد تحويشة العمر»
منذ عامين، بدأ الرجل في جمع الأموال من أهالي طهطا، حتي تمكن من جمع ما يزيد عن 10 ملايين جنيه، بحسب «رسمي» وفر هاربا: «بدأ ياخد واحد واحد من الضحايا، ويقوله بلاش تحكي لحد عن الموضوع، لأني مقتصرة على الأصدقاء وبس، ومش عايز ناس كتير تعرف، وفعلا كل واحد مننا كان بيدفع له فلوس مبيقلش لحد، ومعرفناش بعض غير في قسم الشرطة، لما عملنا محاضر، وقتها اتعرفنا علي بعض»، متابعا: «أنا كنت فاهم إني لوحدي اللي اتنصب عليه، لكن ده طلع فيه كتير غيري، استغلهم برضه وضحك عليهم».
بعدما تمكن الجاني من جمع تلك المبالغ، قرر الهرب، وترك شقته الموجودة في المنطقة، وغادرت زوجته أيضا إلى محافظة القاهرة: «كان بيدينا أرباح كل 3 شهور، وفرحنا بده وقولنا ده الموضوع فعلا مربح، وبدأنا نزود في المبلغ علشان ناخد أرباح أكتر، لحد ما أختفى».
حتي الآن لازال المجني عليهم في حيرة من أمرهم، بعدما ترك «نصاب سوهاج» البلدة وفر هاربا: «عايزين فلوسنا».
تعليقات الفيسبوك