صافيناز ترد على معلومات «شيخ الحارة» عن زيجاتها: «أنت كداب»
شيخ الحارة لصوفيناز: «مرتبطة بشخص حرفه الأول ش واتجوزتي الماكير بتاعك»
الراقصة صوفينار
غازل برنامج «شيخ الحارة»، الراقصة صافيناز، على الهواء خلال حلقة اليوم من برنامج «شيخ الحارة والجريئة» الذي يعرض عبر شاشة «القاهرة والناس»، قائلا: «إيه يا مانجاية عاملة إيه؟! سيبك من جو إنك متجوزة مرتين والكلام الفاضي ده، تعالي سكة ودوغري وقوليلي إتجوزتي كم مرة».
وأضاف شيخ الحارة: «كله ورق عرفي مضروب، إتجوزتي الماكير بتاعك ولا لأ؟! حصل وهو ماكير معروف ومشهور»، لترد عليه قائلة: «كان هزار وكان بيعمل لي مكياج في الفيلم وقالي إنتي كل يوم بيطلع عليكي شائعات جواز، فقلت له إن كل ده شائعات، فطلب منه أمسك ايدي، فمسكتها وصورناها ونزلتها على السوشيال ميديا، فاتقال إننا اتجوزنا».
ورد عليها شيخ الحارة، قائلا: «إتجوزتيه عشان تقعدي في مصر ويبقى معاكي إقامة، إنت كداب يا شيخ الحارة، أنا لسه مش معايا الجنسية».
وفاجأها «شيخ الحارة»، بعلمه أنها مرتبطة بشخص يبدأ اسمه بحرف الـ«ش»: «إنتي بتحبي وباين على عيونك»، لترد عليه: «قلبي حجر ومش بحب حد، الحب حاجة وحشة جدا».
وسألت الإعلامية والمخرجة إيناس الدغيدي، الراقصة صافيناز، عن سر تصدر دينا قائمة الراقصات الأغلى في مصر، بالرغم من تألق الراقصات الأجانب.
وردت عليها صافيناز، خلال حلقة اليوم من برنامج «شيخ الحارة والجريئة» الذي يعرض عبر شاشة «القاهرة والناس»: «اسألي المتعهدين، أنا أغلى راقصة في مصر والوطن العربي، أنا بدفع ضرائب من 10 سنين».
وحول بدل الرقص التي ترتديها وما إذا كانت تتعمد أن تكون مخالفة لشروط المصنفات، قالت الراقصة: «عمره ما حصل، واتقبض عليّ بسبب التصاريح الخاصة بالراقصات الأجانب وهي تصاريح غالية أوي، صاحب الفرح قال إنه عمل ومش عامل، وطول عمري بلبس شورت، أنا مش برقص بالبكيني، لكن بالكاش مايوه، وده مش حاجة صغيرة .. انا بتكسف، وهو أنا عشان رقاصة يبقى لازم أقلع هدومي كلها؟! في ستات بيلبسوا فساتين سواريه أقوى من بدل الرقص».
ورفضت صافيناز، الرد على سؤال طرحته عليها إيناس الدغيدي بشأن طلب محامي الزواج منها مقابل جعلها ترقص في حفلاته الخاصة: «مش حابة أرد على السؤال ده، ولو فكرت أرد على السؤال ده هتحصل لي مشاكل، وخايفة جدا».
وحذّرت الراقصة صافيناز، من وجود حساب مزيف يحمل اسمها وصورتها على موقع التواصل الاجتماعي «فيس بوك»، مؤكدة أنه لا يمت لها بصلة، ونشرت ذلك التحذير عبر حسابها على موقع تبادل الصور والفيديوهات القصيرة «إنستجرام».
وشاركت الراقصة صافيناز، عبر خاصية ستوري بحسابها على «إنستجرام» صورة للحساب المزيف المنسوب لها، مصحوب بتعليق منها وقولها: «حساب مزيف fake وليس حسابي».