السيسي: اصطدام الدين مع التطور الحضاري يعود لأخطاء البشر
الرئيس عبدالفتاح السيسي
قال الرئيس عبدالفتاح السيسي، إن تجديد الخطاب الديني، الهدف منه إيجاد حلول للقضايا المعاصرة من خلال الفقه، وهذا لن يؤثر على ثوابت الدين، مشددًا: «اللي عمل الدين، واللي عمل الوجود بتطوراته ربنا، هل تفتكروا ربنا هينزل دين يتصادم مع التطور الحضاري! أنت كدة تسيئ إساءة كبيرة للخالق العظيم».
السيسي: لا يمكن حد يتناقش في ثوابت الدين
وأضاف السيسي، في مداخلة هاتفية مع برنامج «التاسعة» المذاع على القناة الأولى، ويقدمه الإعلامي يوسف الحسيني، اليوم الأربعاء: «ربنا عمل الدين والدين قابل للتشكل والتطور.. يتطور إية هو إحنا هنتكلم في عقائد! (لا إله إلا الله) مش هتتغير.. و(محمد رسول الله) مش هتتغير، والصلاة والصوم مش هيتغير، وثوابت الدين لا يمكن حد يتناقش فيها، ولكن فهم الأوضاع والتحضر الإنساني جيل بعد جيل».
الرئيس: لو اصطدم الدين بالحضارة ده مش عيب الدين لكن عيب فهمنا إحنا للدين
وتابع الرئيس: «أنت عايز تعمل معالجة وفهم لأمورك الفقهية في إطار التطور الإنساني اللي حصل، لكي لا تصطدم معه، لأن الأوائل تحركوا في هذا الموضوع، وجندوا فهمهم لقضايا عصرهم وحلها، وإحنا للأسف لم نفعل ذلك، ولدينا ثقافة منذ 1000 سنة أو 1200 سنة، وبنتعامل بيها مع قضايا حالية، وإحنا كدة بنظلم الدين والفهم، وربنا هو اللي عمل الدين الإسلامي والمسيحي واليهودي وكل الأديان، والحضارة اللي إحنا فيها دي بتاعة ربنا، وإحنا أدوات فيها، لكن تصورنا إننا عملناها، والفضل لعلم الله الأزلي، ولو اصطدم الدين بالحضارة ده مش عيب الدين ولكن عيب فهمنا إحنا للدين».