الزوج مع والدة التوائم الخمسة
لم يتخيَّل محمود رجب ابن محافظة طنطا، أن معاناته من عدم الإنجاب ستتحول إلى عائلة كبيرة من الأطفال خلال سنوات قصيرة، بعد الانفصال عن زوجته الأولى، عقب ولادة 5 توائم دفعة واحدة.
محمود رجب، البالغ من العمر 52 عامًا، عانى لسنوات طويلة من عدم الإنجاب من زوجته الأولى، وفقا لما رواه خلال حديثه لـ «الوطن»: «مراتي الأولى كانت حامل، بس فقدت ابنها في الشهر الخامس، وحاولنا 9 سنين على أمل أننا نخلف بالحقن المجهري، بس محصلش نصيب».
إصرار والدة «رجب» على رؤية حفيد لها، دفعته للزواج من مروة سيد: «عرضت الموضوع على مراتي الأولى لكنها رفضت وطلبت الطلاق، وبعد الانفصال عنها اتجوزت من مروة اللي كانت حامل من زوجها اللي مقعدتش معاه غير 3 شهور وسابته».
مروة سيد، البالغة من العمر 30 عاما، حوَّلت المنزل إلى أسرة كبيرة من الأطفال بعد دخولها بفترة قصيرة، بحسب «رجب»: «اتجوزت من مروة وخلفنا بنتين وبقا معانا 3، بس هي كان عندها مرض اسمه الغدة كانت بتاخد له علاج فيه مادة منشطة ده اتسببلها إن يجيلها مرض خبيث في الثدي وبعد كده نقل على الرحم، فالدكاترة قالولها حلك الوحيد تبقي حامل».
ولعبت الصدفة دورها مع «رجب» وزوجته، بعد مفاجأتهما بأنها حامل في 5 أطفال: «الدكاترة كانوا محتارين الأول يقولولها اتنين، وبعدين يقولولها 3، لغاية ما فيه دكتور قالها 5 أطفال، وفعلا خلفت 5 النهاردة».
تعليقات الفيسبوك