السيسي لشركات الأدوية العالمية: أفريقيا سوق واعدة.. و65% من سكانها شباب
الرئيس: قلة الموارد في القارة يجب ألا تكون عائقًا أمام تحقيق الأهداف
الرئيس السيسي
قال الرئيس عبدالفتاح السيسي إنّ قلة الموارد في القارة الأفريقية، يجب ألا تكون عائقًا أمام تحقيق الأهداف، وأضاف مخاطبا مسئولي القارة السمراء: «أي هدف محتاج موازنات وفلوس كتير، بس تجربتنا هنا، جبنا شركات أدوية أمريكية واتكلمنا معاها عشان يساهموا معانا بتوفير العلاج، بتكفلة مالية نقدر عليها، عشان نعالج ملايين المصابين بفيروس سي في مصر».
الرئيس: أشكر شركات الأدوية على تعاونها معنا في القضاء على فيروس سي
وأضاف الرئيس السيسي، خلال كلمته في فعاليات الجلسة الحوارية ضمن افتتاح المؤتمر والمعرض الطبي الأفريقي الأول، المنعقد خلال الفترة من 5 إلى 7 يونيو 2022: «الدواء ساعتها كان بـ10 آلاف دولار، وأخدناه بتكلفة أقل، وده أمر مشكور لشركات الأدوية»، وتابع مخاطبًا شركات الأدوية: «بقولهم خلوا بالكم أفريقيا سوق واعد، خلال 30 سنة بالكتير هنبقى 2.5 مليار شخص».
وتابع الرئيس السيسي قائلا: «أفريقيا سوق كبير أوي، بالتالي المستقبل لأفريقيا، 60% أو 65% من أهلها شباب، وأنا أسجل احترامي واحترام كل المصريين لمكتشف علاج فيروس سي والشركات الأدوية المصنعة له».
وتابع الرئيس قائلا: «لما اتكلمنا على إن قدرتنا الاقتصادية لا تتيح تقديم خدمة طبية بالمعايير العالمية لـ100 مليون بسهولة، ودة كلام إحنا بنعترف بيه، كان قدامنا إننا نعمل اللي قدراته قليلة معندهوش غير الأفكار، وإن ربنا يوفقه لفكرة يحل بيها المسألة، لو أنا عندي القدرة على العلاج وتقديم خدمة طبية مش هيبقى فيه مشكلة».
السيسي: مفيش عقبة أو تحد يقف أمام الإرادة
وتابع: «المشكلة بتيجي مع قلة الموارد وشح الأموال المخصصة، في مصر مكنش ده صعب، ومتوقفناش قدامه ولم نتعرض للإحباط، بقولكم الكلام ده علشان يمكن المصريين سمعوا مني الكلام ده كتير، مفيش أبدا عقبة أو تحد يقف أمام إرادة لا تلين من أجل تجاوز هذا التحدي، مفيش».
وأوضح أن شركات الأدوية العملاقة لم تنجح بالأماني، لكن بالعمل والإصرار والجهد.