محمد علي رزق يعلن توقف عرض مسرحية «في يوم وليلة» لظروف طارئة
محمد علي رزق يعلن توقف عرض مسرحية «في يوم وليلة» لظروف طارئة
أعلن الفنان محمد علي رزق عبر حسابه الرسمي بموقع تبادل الفيديوهات والصور «إنستجرام» توقف العرض المسرحي في يوم وليلة.
ونشرمحمد علي رزق البوستر الدعائي للمسرحية: «نظراً للظروف الطارئه التي يمر بها المسرح توقف العرض المسرحي في يوم وليلة، حابب اتكلم عن التجربه دي
وأقول إنها كانت تجربة مهمة جدا اتعلمت فيها حاجات كتير أوي على المستوى الإنساني قبل الفني، شكراً أستاذي وأبويا الروحي خالد جلال إللي لولاه عمري
ماكنت هبقى بكتب بوست زي ده دلوقتي ولا عمري ماكنت خدت خطوه مهمه فحياتي بشكل عام وفي المسرح بشكل خاص».
أضاف رزق: «شكراً الأخ الكبير أستاذ هشام عطوه رئيس البيت الفني للمسرح لإيمانه بالمشروع من أول يوم و دعمه الدائم لينا شكراً الأخ والصديق الجدع ياسر الطوبجي مدير المسرح الكوميدي على مجهودك وعلى وقفتك فضهر العرض من أول يوم لآخر يوم من فترة ماشوفتش مدير بيحب شغله وزمايله وطول الوقت همه الأول والأخير النجاح وإن الكاست يكون مبسوط ومرتاح».
واختتم: «في النهاية شكراً محمد عبدالستار مؤلف ومخرج العرض على تعبك ومجهودك ربنا يوفقك في خطواتك إللي جايه، شكراً لكل زمايلي وأصدقائي، إجازة طويلة من المسرح وإن شاء الله الواحد يرجع بتجربة جديدة وحلوة».
