«يوم بلا شاشات».. مبادرة لحماية الأطفال من الإفراط في استخدام الأجهزة الإلكترونية
«يوم بلا شاشات».. مبادرة لحماية الأطفال من الإفراط في استخدام الأجهزة الإلكترونية
قال الدكتور أشرف العزازي، الأمين العام للمجلس الأعلى للثقافة، إن فكرة «يوم بلا شاشات» جاءت بعد ملاحظة الارتباط غير العادي للأطفال بالموبايلات، موضحًا: «الطفل نايم جنب الموبايل، صاحي أول حاجة يمسكها الموبايل، طب فين الوقت اللي هتستثمره في حاجة تفيدك؟».
أنشطة بديلة لتنمية الذكاء والتفكير
وأوضح العزازي، خلال مداخلة عبر برنامج «صباح الخير يامصر» المذاع على شاشة القناة الأولى، أنّ المبادرة تستهدف إشغال الأطفال بأنشطة بديلة تنمّي التفكير والذكاء، مثل لعب الشطرنج، أو ممارسة الرياضة، أو زيارة المتاحف، قائلًا: «نشغل تفكيره في حاجات تانية بعيدة عن الموبايل، يبتدي يبعد شوية شوية، يدي لنفسه مساحة إنّه يفكر».
تكرار المبادرة يحولها إلى سلوك دائم
وأكد أنّ تكرار المبادرة بشكلٍ مستمرٍ يساعد الأطفال على تقليل الاعتماد على الأجهزة، قائلًا: «أنا هخليه يبعد عن الموبايل سنة بسنة، بس لازم أعمل له محفزات، ولو خدته في حاجة عقيمة مش هييجي»، مشيرًا إلى أنّ الأنشطة يجب أن تتماشى مع اهتمامات الطفل.
واختتم قائلًا: «لو قلت له روح زور قرايبك، أو اسمع شوية موسيقى، أو بص على النباتات اللي عندك، كل دي أنشطة الطفل لازم يلاقي حاجه بيحبها، علشان ييجي المرة الجاية بنفسه يقول: تعالى نعمل يوم بلا شاشات».
