«سمر» تتحدى الغلاء بـ«ياميش» بيتى
قمر الدين خلال مرحلة الإعداد
فى ظل موجة الغلاء الكبيرة فى أسعار الياميش هذا العام، حاولت أن تجذب ربات البيوت وتساعدهم على طريقتها الخاصة بطرح ياميش بيتى و«دليفرى». قبل حلول الشهر الكريم بثلاثين يوماً، قررت سمر حسنى، ربة منزل تسكن فى منطقة حدائق القبة، أن تستفيد من خبراتها ومهاراتها الخاصة فى الطبخ لعمل مشروع يخدم ربات البيوت، ويوفر عليهم تكلفة شراء مستلزمات رمضان: «باعمل مشمشية وقمر الدين وتين وأرخص من بره، والجودة أعلى بكتير من الموجودة فى الأسواق».
فى البداية تقوم «سمر» بغسل المشمش جيداً وتقسمه إلى جزئين، وتضعه فى منقوع من الشربات، ثم تقوم بتصفيته ووضعه فى فرن على درجة حرارة 60 درجة مئوية: «مهم جداً إنه يتحط فى شربات عشان تسكيره»، وبحسب «سمر» فإن هذه الطريقة تضمن بها أن يكون «قمر الدين» مصنوعاً من المشمش الخالص: «فى السوق فى لفات بيعملوها بالجيلى والجزر والطعم بيكون سيئ، أما البيتى بيكون أفضل وأضمن ومركز».
سعر المشمش هو ما يحدد أسعار «ياميش سمر»: «السنة اللى فاتت المشمش كان بـ10 جنيه، وكنت باعمل قمر الدين بـ25 جنيه»، مشيرة إلى أنها بدأت بالفعل تستعد للموسم الرمضانى المقبل: «المشمش هيطلع كمان أسبوعين ووقتها بابدأ فترة الحجز، عشان أكون محددة الكمية اللى هاشتغل عليها»، كما توفر خدمة التوصيل للمنازل: «بوفَّر خدمات للشحن بـ10 جنيه لأى مكان وبتختلف حسب بُعد المحافظات».