كورسات كروشيه: الطريق إلى «اللبس الشتوى» يبدأ بـ«فتلة»
كورسات كروشيه: الطريق إلى «اللبس الشتوى» يبدأ بـ«فتلة»
- المحال التجارية
- الملابس الشتوية
- برودة الطقس
- صناعة الكروشيه
- مشغولات يدوية
- المحال التجارية
- الملابس الشتوية
- برودة الطقس
- صناعة الكروشيه
- مشغولات يدوية
جولة بسيطة على المحال التجارية تكفى للاقتناع بأن أسعار الملابس الشتوية لهذا العام ستكون أقسى من برودة الطقس، مما دفع الكثير من السيدات للتفكير فى تعلم فنون التريكو والكروشيه، التى تدخل فى كثير من الملابس الشتوية، لسد حاجة أسرهن ورفع العبء عن ميزانية البيت.
«الأيام دى قبل الشتا» ما يبدأ، ناس كتير سجلت معانا علشان تتعلم تريكو وكروشيه، وتعمل لبس ليها ولأولادها وهى قاعدة فى البيت»، حسب هند مصطفى، التى تستقبل السيدات فى منزلها لتعليمهن فنون الكروشيه والتريكو، مقابل 100 جنيه، على مدار 6 حصص. نجاح التجربة وقدرة السيدة على تعلم مشغولات الخيط سريعاً، يتوقف على صبرها، وفقاً لـ«هند»: «صناعة الكروشيه معقدة ومحتاجة صبر، وليها أكتر من مستوى، وطول ما الست مركزة على هدفها هتقدر تعمل بلوفرات ليها ولأسرتها، وممكن كمان مفروشات للبيت، محتاجة بس قماش وإبرة وخيط، وكلها حاجات رخيصة لكن غزلها بيحتاج لوقت».
يستقبل مركز مشغولات يدوية بمنطقة حدائق القبة سيدات لتعليم فن الكروشيه: «متعودين طول الشتا» الستات تيجى تاخد كورسات وتعمل لعيالها كوفيات وشرابات تدفيهم، لكن السنة واضح إن العدد هيزيد، حتى بنات صغيرين قرروا يتعلموا ويعملوا لبسهم الشتوى بتكاليف أقل»، حسب محسن إبراهيم، مسئول بالمركز. راعى المركز أن يكون سعر الـ«كورس» فى متناول الجميع، فقط 150 جنيهاً، وينقسم وفقاً لـ«محسن»، إلى: «الجزء النظرى فى أول حصتين، وبعد كده يبدأ العملى، كل مشتركة بنطلب منها تعمل بلوفر وبنشرف عليها وبنتواصل معاها طول الوقت، علشان نقدر نخرج المواهب اللى جواها». سهير عبدالدايم، ربة منزل، حجزت لنفسها مكاناً فى «كورس» لتعلم مشغولات الخيط منذ ما يقرب من شهرين، لتشغل ملابس لأطفالها: «الأسعار بقت غالية جداً، وده خلانى أفكر آخد كورس، وأعمل لعيالى شوية بلوفرات يلبسوها فى الشتاء ويدفوا، وباشترى الضرورى بس علشان الدنيا تمشى».
