درس خصوصى فى كيفية التعامل مع التابلت: مالكش حجة
درس خصوصى فى كيفية التعامل مع التابلت: مالكش حجة
- النظام الذكى فى التعليم
- بداية العام الدراسى الجديد
- العام الدراسي الجديد
- التابلت
- الفصل الذكي
- الدروس الخصوصية
- الطلاب
- الامتحانات الإلكترونية
- النظام الذكى فى التعليم
- بداية العام الدراسى الجديد
- العام الدراسي الجديد
- التابلت
- الفصل الذكي
- الدروس الخصوصية
- الطلاب
- الامتحانات الإلكترونية
بالتزامن مع بداية العام الدراسى الجديد، وتطبيق النظام الذكى فى التعليم عن طريق التابلت، اتجهت بعض مراكز الدروس الخصوصية إلى تطبيق نظام «الفصل الذكى» بدلاً من الحصص التى تمنحها للطلاب، ليستطيعوا من خلال التدريب المستمر تجاوز كل الصعوبات التى تواجههم أثناء الامتحانات.
كورسات مجانية لتعلم المواد بواسطة التابلت، شعار رفعه محمد حسن، صاحب أحد مراكز الدروس الخصوصية بالهرم، الذى خصص فترة الإجازة ليساعد الطلاب على التعامل مع جهاز التابلت: «إحنا بندى الكورس لطلاب أولى وثانية ثانوى، فيه إقبال كبير جداً من الطلبة اللى عايزين يحلوا مشاكل التعامل مع التابلت من قبل ما تبدأ الدراسة علشان يتجاوزوا أزمات السنة اللى فاتت». وحسب «حسن» يتم تدريب الطلاب على الطرق الصحيحة للتعامل مع الامتحانات والتدريبات عن طريق التابلت: «الطريقة دى بتعتمد على تشغيل الذهن والفهم مش الحفظ والتلقين، علشان كده بنتبع معاهم أسلوب مختلف، ولى الأمر مش بيطمن غير لما الطالب يذاكر بالطريقة اللى هيمتحن بيها فى النهاية».
«كورس الامتحانات الإلكترونية بالرياضيات مجاناً»، هدية منحها أحمد جمال، مدرس رياضيات لطلابه: «المدرسين الكبار غير مؤهلين للتعامل مع التابلت وده كان سبب فى مشاكل كتير جداً حصلت السنة اللى فاتت مع طلاب سنة أولى ثانوى»، من هذا المنطلق يهدف «جمال» إلى التركيز على الجانب المهارى أثناء الشرح: «طول ما الطالب متدرب على طرق الحل الإلكترونى، مش هيكون حامل الهم فى الامتحان».
