حملة للكشف على طلاب المدارس مجانا.. ضحكتهم بالدنيا
حملة للكشف على طلاب المدارس مجانا.. ضحكتهم بالدنيا
- الكشف على طلاب المدارس مجانا
- طلاب المدارس
- الخدمات الطبية
- المساعدات الطبية
- الكشف على طلاب المدارس مجانا
- طلاب المدارس
- الخدمات الطبية
- المساعدات الطبية
«ضحكتهم بالدنيا»، حملة تبناها مجموعة من الشباب فى نطاق منطقة العمرانية بالجيزة، بهدف تقديم بعض الخدمات الطبية للطلاب والمعلمين بالمدارس بشكل مجانى، وذلك بالتنسيق مع عدد من الأطباء.
يشارك فيها 5 أطباء وتستهدف 1000 طالب فى العمرانية
مدحت جمعة، صاحب الفكرة، يروى أن الهدف من الحملة خدمة الطلاب بشكل مجانى: «تواصلنا مع 5 أطباء فى مجموعة تخصّصات مختلفة، هننزل المدارس الحكومية، هنوفر للطلاب مجموعة من الخدمات الطبية المتنوعة، ما بين علاج للأسنان والتغذية والتحاليل الطبية، وخلال الأسبوع الجاى هنعمل تحليل صورة دم كاملة لـ1000 طالب مجاناً».
ويقوم الفريق بتقديم المساعدات الطبية من حيث الكشف وتشخيص الحالات، والمساعدة فى عمل التحاليل: «نفّذنا الفكرة فى 4 مدارس حكومية فى المنطقة، بنعمل كارت للطلبة اللى بنلاقى إن حالتهم تستدعى إنهم يكشفوا علشان نخفّف من عليهم الأعباء، واللى بيكون حامل للكارت بيتعمل له تخفيض، الكروت دى مش للطلاب بس كمان للمدرسين، وبتشمل زوجاتهم وأبناء أسرهم كاملة».
ولإبراز جانب الاهتمام والمتابعة مع الحالات، قام الأطباء بتنفيذ جروبات علاجية تجمع الطلاب عبر تطبيق «واتس آب» لمنحهم أنظمة غذائية صحية بشكل يومى، الأمر الذى يمنح الطلاب قدراً من النشاط والتركيز: «بيشوفوا اللى عندهم أنيميا وبيكتبوا لهم نظام غذائى يساعدهم على التركيز وإنهم يكونوا فى حالة نشاط دائم تساعدهم على المذاكرة، وبنقدم خدمات أخرى للمدرسين لعلاج بعضهم من السمنة، بنعمل لهم أنظمة دايت وبنوفر العناصر الغذائية اللى تساعد على الوصول لحالة النشاط خلال اليوم الدراسى».
