زكي فطين عبدالوهاب
مواقفه دائما ما تكون لاذعة، ما يفتح الباب لسيل من الهجوم حوله، هذا ما يحدث مع الفنان زكي فطين عبدالوهاب، عندما يبدي رأيه حول شخص أو أمر معين.
وخلال الأيام الماضية، جاءت العديد من الانتقادات لزكي فطين عدالوهاب، بعدما قال رأيه في الفنان عمرو دياب، ثم قام بحذف المنشور بعد سباب الجمهور له.
بداية الأزمة منذ أسبوع عندما كتب زكي فطين عبر حسابه على "فيس بوك" "أنا عارف إن في ناس هتزعل من الكلام اللي هقوله، لكن بعد الهجوم الشرس على أغاني وموسيقى المهرجانات.. نفسي أفهم عمرو دياب الملقب بالهضبة .. بمناسبة إيه".
تابع: "أغانيه وألحانه وكلمات أغانيه هي هي من ٢٠ سنة .. ده إفلاس فني ما بعده إفلاس.. أغاني المهرجانات فيها تجديد وابتكار وتنوع أكتر بكتير غصب عن الملحن الفذ حلمي بكر".
وتسبب هذا التصريح في هجوم حاد على "زكي"، ليرد: "تعقيبا على الpost اللى كتبته عن أغاني المهرجانات وانتقادي لعمرو دياب.. واضح إن الناس فى مصر بتفهم الصراحة على إنها إهانة.. فى النهاية رأيى ده مجرد رأي مش أكتر.. ألاقي كومنتات فيها هجوم عليا وعلى شخصي لمجرد إني قلت رأيي بصراحة.. الناس بتنجم الفنانين زى ما يكونوا تابوهات".
وحذف زكي المنشور بعد الانتقادات التي تعرض لها، "أغانى المهرجانات بتعجبنىي أن اللحن والإيقاع فيها catchy وفيها مواضيع غير قصص الحب وعذاب الحب.. وكأن مفيش حاجة نتكلم عنها غير الحب.. بس لازم نعرف إنها أغاني أو فن مالوش علاقة بالطرب وده مش عيب.. زى ما الناس بتحكم عليهم، ورأيي في أغاني عمرو دياب ده مش إهانة ده مجرد رأىي.أنا شيلت البوست لأن من حقك تختلف معايا أو إنك ترى إني ممثل فاشل.. ده حقك.. لكن الشتيمة مش من حقك".
ومع استمرار الجدل، والتساؤل حول سبب حذف المنشور، كتب زكي: "أنا ما مسحتش البوست اللي كتبته عشان بتراجع في موقفي.. خالص .. أنا مسحته بسبب الكم الهائل من الشتايم بالأب والأم بأفظع الألفاظ من ألتراس عمرو دياب .. ومختلف مع الأستاذ الملحن حلمي بكر في هجومه الشرس القاسي على نجوم "مهرجانات" .. نفسي أعرف إيه الجريمة اللي عملتها .. بجد".
وعبر حسابه الشخصي على موقع Facebook، نشر عبد الوهاب، تدوينتين انتقد من خلالها أداء الفنان عادل إمام، متسائلا: "سؤال من غير شتيمة لو سمحتوا، هو عادل إمام الملقب بالزعيم.. عمل إيه في السنوات الأخيرة، غير نفس الشخصية، نفس الدور، نفس الإيفيه".
ثم نشر تغريدة أخرى "أعتقد إنه معتمد على الكاريزما، مش أكتر، الناس عايزة تشوف عادل إمام، أيا كان اللي بيقدمه".
ولم يتوقف الأمر عند انتقاده للفنانين فقط، وإنما انتقد والدته الفنانة ليلى مراد، "أنا طلعت في برامج قبل كده برغم قلتها وقولت: "أنا في أغاني لأمي ما بحبهاش، وبالذات الأغاني اللي فيها شجن وحزن .. أنا شايفها أكتر في شحات الغرام وأبجد هوز وغيره".
كما انتقد والده قائلا: "أبويا لما عمل أفلام في سكة التراجيدية فشل بامتياز .. وفيه أفلام كوميدي عملها سقطت، إيه المشكلة؟".
تعليقات الفيسبوك